¿TLEKA MIAK IPATI? Tlatitlanil Pablo okinmijkuilo 14 cartas para kinyolchikauaskia ikniuan. Se carta tlen okijkuilo motokayotia primera a los Corintios. Ijkuak ikaj kijkuiloa se carta, kuali mokuayejyekoa tlen kijkuilos uan akin kiselia uelis kitlajtoltis miak uelta. Ika cartas uelis tikinmatiltiskej tlen kijtoa Biblia tokalchanejkauan, akinmej tikinmixmatij uan akinmej amo tikinmajsij inkalijtik. Ualeua oui oksepa tikajsiskej akin kuali otechkak noso oui timotlapouiskej iuan akin uejka chanti. ¿Ken tikijkuililiskej se carta akin amo tikixmatij?

¿KEN TIKCHIUAS?

• Xikijkuilo ken yetoskia iuan timotlapouijtoskia. Achto xikijkuilo motoka iuan xikijto tleka tikijkuililia non carta. Uelis tikijkuilos se tlajtlanilistli tlen kipaleuis ma mokuayejyeko, noijki xikilui ma kalaki itech jw.org. Xikilui uelis tikmachtis kanin chanti noso xikijkuilili itoka se tlamachtil tlen kajki itech se amatlajkuilol tlen ika titlamachtiaj. Noijki uelis tiktitlanilis se tarjeta jw, se amatsintli tlen ika titeyoleuaj noso okse amatsintli.

• Amo miak xitlajkuilo. Ijkon akin otiktlajkuilili nochi kitlajtoltis (xikita carta).

• Xikita kox kuali otikijkuilo uan kox moajsikamati. Noijki kuali ma mokaki uan ma mokaki titetlakaita.