Ijkuak ikaj oksepa tiktlapouitiuij noso tikmachtitiuij, ma tikpaleuikan ma kajsikamati tlen moneki. Tla titlamachtiaj ika neskayomej, ajsis itech iyolo tlen tikmachtiaj uan kilnamiktos.

Ijkuak timoyektlalis para ikaj oksepa tiktlapouiti noso tikmachtiti, xikita tlen okachi moneki tikmachtis. Xikilui neskayomej tlen tikinmixmati uan tlen amo oui kajsikamatis (Mat. 5:14-16; Mar. 2:21; Luc. 14:7-11). Xikita tlen yikimati uan tlen kipanoua (Luc. 5:2-11; Juan 4:7-15). Tiyolpakis ijkuak tikitas okajsikamatki tlen tlamachtia Biblia.

IJKUAK YOTIKITAK VIDEO TIYOLPAKIJ TIKINPALEUISKEJ OKSEKIMEJ MA KICHIUAKAN KEN JESÚS. OKACHI KUALI MA TITLAMACHTIKAN: MA TITLAMACHTIKAN IKA NESKAYOMEJ, XIKINNANKILI NINMEJ TLAJTLANILMEJ:

• ¿Tleka moneki sekimej tikinpaleuiskej ma kajsikamatikan tlen kijtoua textos bíblicos?

• ¿Tlen neskayotl okijto Ana para kiyekijtos tlen kijtoua Romanos 5:12?

• ¿Ken uelis ikaj kipaleuis tla kuali tikitaj tlen neskayomej tikintekitiltiaj?

• ¿Tleka moneki kuali ma tikintekitiltikan neskayomej uan okseki tlamantli tlen techmaka ialtepe Jehová?