Ijkuak Jehová techyektlalia, noijki techmachtia uan ualeua techyolkokoua ijkuak techyektlalia. Ijkon kichiua Jehová porque kineki ma tikueyichiuakan ken ye kineki (Rom. 12:1; Heb. 12:10, 11). Maski timoyolkokoskej, tla tikkauiliaj Jehová ma techyektlali, tikteititiskej tiyolkualmej uan ye techteochiuas (Prov. 10:7). ¿Tlen moneki kilnamikiskej akinmej teyektlaliaj uan akinmej kikauiliaj oksekimej ma kinyektlalikan?

Akinmej teyektlaliaj. Tlayekankej, tetajmej uan oksekimej mochijchikauaj kitlasojtlaj akin kiyektlaliaj ijkon ken kichiua Jehová (Jer. 46:28). Ijkuak ikaj kiyektlaliaj porque otlajtlakolchi ma kiyektlalikan ken moneki uan ijkon kiteititiskej kitlasojtlaj (Tito 1:13).

Akinmej kinyektlaliaj. Maski tlatlamantli techyektlaliskej moneki tikkakiskej tlen techiluiaj uan san niman ma tikchiuakan (Prov. 3:11, 12). Ken titlajtlakolejkej, moneki ma techyektlalikan. Jehová uelis techyektlalis ijkuak tiktlajtoltiaj Biblia noso ijkuak itlaj tikkakij ijkuak timonechikouaj. Noso xamo sekimej tlayekankej moneki techyektlaliskej. Tla tikkakij uan tikchiuaj tlen techiluiaj, uelis nochipa tiyoltoskej (Prov. 10:17).

IJKUAK YOTIKITAK VIDEO “TOTEKO DIOS KIMILAWA AKIN KITLASOJTLA”, XIKINNANKILI NINMEJ TLAJTLANILMEJ:

• ¿Tlen okichiuaya Canon ijkuak okatka tsikitsin uan tlen okichi satepan?

• ¿Ken okiyektlali Jehová?

• ¿Tlen techmachtia tlen okipanok Canon?