Uelis timokuayejyekoskej nochipa tiyetoskej titelpokamej noso tichpokamej uan amo tikokoxkatiskej noso tiueuejtiskej nion titlajyouiskej ken tlajyouiaj akinmej yikipiaj miak xiuitl (Ecl. 12:1). Tla titelpochtli noso tichpochtli, ¿timokuayejyekoa satepan uelis okachi tiktekichiuilis Jehová pampa ok onka miak kauitl?

“Tlamantli tlen amo tikchiaj” nochtin uelis techpanos, noijki akinmej telpokamej uan ichpokamej (Ecl. 9:11). Amo ikaj kimati tlen “tlamochiwas mostla” (Sant. 4:14). Ik non, amo ximokuayejyeko satepan uelis okachi tiktekichiuilis Jehová. Axkan uelis tiktekichiuilis toTajtsin Dios (1 Cor. 16:9). Melauak mitsyolpaktis.

• Titetlapouis itech okse tlajtoli.

• Timochiuas precursor.

• Tias itech se tlamachtil tlen kichiua ialtepe Jehová.

• Titlapaleuis ijkuak kinchijchiuaj kalmej.

• Titekitis itech kali Betel.

• Timochiuas tlayekanki itech circuito.