TIKCHIUAJ KEN CRISTO
Pampa okachi kuali titetlapouiskej: xikinyoleua ma yakan nechikolmej akinmej okachi kinekij kimatiskej
TLEKA MIAK IPATI: Itech nechikolmej uelis tiktlakuikiliskej Jehová uan tikueyichiuaskej sejse semana (Sal. 149:1). Noijki timomachtiaj tlen kineki ma tikchiuakan (Sal. 143:10). Akinmej kineki okachi kimatiskej uan akinmej tikinmachtiaj okachi totoka kichikauaj intlaneltokilis ijkuak yauij nechikolmej.
KEN UELIS TIKCHIUASKEJ:
-
San niman xikinyoleua tlaltikpaktlakamej. Maski amo tikmachtia ika Biblia uelis tikyoleuas ma uia nechikol (Apoc. 22:17, TNM).
-
Xikyekilui akin kineki kimatis okachi, ken mochiuaj nechikolmej uan xikilui tlen timomachtiskej okse semana. Uelis tikyoleuas nechikol ika video tlen itoka ¿Ken tikchiuaj tonechikoluan?, uan ika amatlajkuilol Akinmej kichiuaj itlanekilis Jehová itech ninmej tonalmej tlamachtilmej 5 uan 7.
-
Xikilui tikpaleuis. Se neskayotl, ¿uejka ichan noso amo kimati ken kuali motlakentis? Iuan ximotlali itech nechikolmej uan xikintlaneti moamatlajkuiloluan. Xikpaleui ma kinmixmati oksekimej tokniuan.