Tla ijkuak titlanotsaj itech se kali technankilia se chokotsin noso se takotsin, ma tiktlajtlanikan kox ompa katej itatajuan, ijkon tikteititiskej tikintlakaitaj tetajmej (Prov. 6:20). Tla chokotsin noso takotsin techiluia ma tipanokan kalijtik, amo ma tipanokan. Tla intatajuan amo majxiliaj, uelis timokuepaskej okachi tiotlak.

Maski chokotsin noso takotsin yiueyi, okachi kuali ma tiktlajtlanikan kox ompa katej itatajuan. Tla amo majxiliaj, ma tiktlajtlanikan kox kinkauiliskej itatajuan ma kiseli se amatlajkuilol. Tla kema, ma tikmakakan se amatlajkuilol uan ma tikiluikan ma kalaki itech www.pr418.com/ncx.

Ijkuak oksepa tiktlapouitiuij se chokotsin noso takotsin tlen kineki okachi kimatis itech Biblia, ma tikiluikan tiknekij tikinmixmatiskej itatajuan. Ijkon uelis tikinmiluiskej tleka tikinmitatiuij uan uelis tikintlapouiskej ken kinpaleuiaj Biblia kalchanejkej (Sal. 119:86, 138). Tla tikintlakaitaj tetajmej non kiueyichiuas Jehová uan kinekiskej techkakiskej ijkuak oksepa tikintlapouitiuij itech kuali tlajtolmej (1 Ped. 2:12).