Jehová kinmitas namokoneuan ixtlamatkej tla nankinpaleuiaj mamomachtikan tlen timomachtiaj ijkuak timonechikouaj. Tlen yejuan kitaj, kikakij uan tlen tlanankiliaj ijkuak timonechikouaj uelis kinpaleuis okachi makixmatikan Jehová uan iuan mamouikakan (Deut. 31:​12, 13). Pero ¿tlen uelis tikchiuas para makinpaleui mokoneuan tlen timomachtiaj ijkuak timonechikouaj?

• Ximochijchikauakan nochipa nanyaskej kanin timonechikouaj (Sal. 22:22).

• Xikinpaleuikan namokoneuan mamotlapouikan inmiuan tokniuan achto peuas nanmomachtiskej kanin nanmonechikouaj noso ijkuak yonantlankej (Heb. 10:25).

• Moneki nannochtin nankipiaskej amatlajkuilol tlen nanmomachtiskej kanin nanmonechikouaj maski ika amatl, itech namoteléfono noso itech namotableta.

• Xikinpaleuikan namokoneuan matlanankilikan ika nochi inyolo (Mat. 21:​15, 16).

• Xikinmiluikan namechpaktia nanmonechikoskej uan noijki tlen nanmomachtiaj.

• Xikinpaleuikan namokoneuan matlachipauakan kanin nanmonechikouaj uan noijki xikinmititikan mamotlapouikan inmiuan tokniuan tlen yikipiaj miak xiuitl.

Xamo ualeua nanmosotlauaj ijkuak nanmokuayejyekouaj moneki nankichiuaskej miak tlamantli para nankinpaleuiskej namokoneuan makitlasojtlakan Jehová. Pero xikilnamiktokan Jehová namechpaleuis, amo nankatej namoselti (Is. 40:29).

IJKUAK YONANKITAKEJ VIDEO TETAJMEJ XIKNELTOKAKAN JEHOVÁ NAMECHPALEUIS, XIKNANKILIKAN NIN:

• ¿Tlen okinpanotoka Miguel uan Lidia?

  Xitlanankili

• ¿Tleka moneki tetajmej makiluikan Jehová makinpaleui matlaxikokan?

  Xitlanankili

• ¿Tlen okichijkej Miguel uan Lidia para Jehová makinpaleui?

  Xitlanankili