TiiTlaixpantijkauan Jehová axkan okachi techintitlaniliaj amatlajkuilolmej uan videos tlen kisaj itech Biblia ika formato electrónico. Pero sekimej tokniuan tlen chantij itech okseki altepemej kitaj oui kitlaxtlauaskej Internet. Oksekimej tokniuan chantij kanin amo onka noso amo okachi kipiaj Internet.

 Pero axkan miakej tokniuan yikinpiaj amatlajkuilolmej ika formato electrónico maski amo kipiaj Internet. ¿Ken kichiuaj?

 JW Box se tepostsintli tlen kintitlaniliaj tokniuan tlen chantij kanin amo onka Internet. Non okikouilijkej se empresa pero tokniuan tlen tlapaleuiaj computación ompa Betel okichijkej se programa para uelis kinpias videos uan amatlajkuilolmej tlen katej itech jw.org. Sejse tepostsintli ipati kanaj 1,500 pesos (75 dólares).

 Tokniuan kiuikaj incelular itech kalmej kanin monechikouaj uan ika Internet uelij kikixtiaj videos uan amatlajkuilolmej tlen kipia JW Box. Maski incelular amo patio noso yiuejkika okikojkej, ompa noijki uelis kinpiaskej amatlajkuilolmej uan videos. Pero tla kanin monechikouaj tokniuan amo kipiaj Internet, ¿ken uelis kipias tlen okachi yankuik non tepostsintli JW Box? Tokniuan tlen tlapaleuiaj Betel kintitlaniliaj oksekimej tokniuan memorias USB tlen inpati kanaj 80 pesos (4 dólares) uan kipia tlen okachi yankuik tlen kitlaliaj itech jw.org. Memorias USB kintlaliaj itech JW Box iuan ijkon kikixtiaj tlen okachi yankuik.

 ¿Ken yokinpaleui tokniuan tepostsintli JW Box? Tokni Nathan Adruandra tlen chanti República Democrática del Congo, okijto: “Miak xiuitl oniknekiaya nikinpias videos ‘Oh Jehová, motech nitlaneltoka’ uan Xikilnamikikah tlan omochi isiwa n Lot pero amo keman ueli onikinkixti, ik non, onimoyolkokouaya. Axkan yiuelis nikinpias videos itech nocelular uan non techpaleuia okachi kuali ma tikinmachtikan tokoneuan”.

 Itech altepetl Nigeria se tokni tlen kinpaleuia tlanechikolmej ma kimatikan ken kitekitiltiskej JW Box, okijto: “Tokniuan kijtouaj Jehová okintliokoli JW Box. Sapanoua yolpakij porque axkan amo oui kinkixtiaj amatlajkuilolmej uan videos tlen ika titlamachtiaj”.

 Yokintitlankej kanaj 1,700 JW Box ompa África, Oceanía uan Sudamérica. Noijki kintitlaniliskej oksekimej tokniuan itech okseki tlanechikolmej. Pero ¿kanin kisas tomin para ijkon kichiuaskej? Ika tomin tlen miakej kitemakaj ika nochi inyolo. Miakej kitemakaj intomin itech donate.pr418.com. Timechtlasojkamatiliaj porque nankitemakaj namotomin ika nochi namoyolo.