Nin xiuitl 2023 tikchiaj kuali tiyetoskej uan noijki tofamiliares. ¿Tleka tikchiaj ijkon mapano?

 Biblia techyekiluia tleka titlajyouiaj uan noijki techiluia amo nochipa ijkon titlajyouijtoskej. Pero Biblia “omoijkuilo para matimoixtlamachtikah, para matikchiakah ika yolsewílistli tlan Ye yokijto techmakas” (Romanos 15:4).

•   Tla tikneki okachi tikmatis tlen tlamachtia Biblia xikita tlamachtil “La esperanza real de un mañana mejor”.

 Biblia techyolchikaua, yetoskia ken “se tépostli ankla” (Hebreos 6:19, xikita nota). Ik non kuali timomachiliaj. Techpaleuia matitlaxikokan ijkuak titlajyouiaj, kuali matikpejpenakan tlen tikchiuaskej uan matiyolpakikan. Matikitakan seki tlamantli:

•   Xikita ken Biblia okipaleui se tlakatl makipatla inemilis akin sapanoua otlauanaya. Xikita video Ayakmo onechpaktiaya nonemilis.

•   Xikita ken uelis techpaleuis Biblia ijkuak ixpoliui se tofamiliar tlen tiktlasojtlaj. Xikita video Timoyolkokouaj ijkuak ikaj akin tiktlasojtlaj ixpoliui.

 Miakej kinekij kuali yetoskej pero amo kimatij kox melauak ijkon kinpanos. Pero tlen Biblia kijtoua techpaleuia. ¿Tleka? Porque tlen kijtoua Biblia iaxka toTajtsin Dios Jehová a, akin “amo tlakajkayawa” (Tito 1:2). San Jehová uelis kichiuas nochi tlen ye kijtoua; Ye “kichiua nochi tlen kipaktia” (Salmo 135:5, 6).

 Timitsyoleuaj xikita ken techyolchikaua Biblia. Uelis tikchiuas ken sekimej okichiuayaj “ixmostla okiamapoaya itlajkuilol Dios” (Hechos 17:11). Xikita ken titlamachtiaj ika Biblia uan amitlaj tiktlaxtlauas. ¡Ximoyolchikaua uan xipeua ximomachti Biblia nin xiuitl 2023!