Itech xiuitl 2023 miakej tepajtijkej okitemojkej ken uelis kinpaleuiskej akinmej momachiliaj inselti. ¿Uelis itlaj kinpaleuis?

•   Se tlakatl itoka Vivek Murthy tlen kajki ken director general de Salud Pública de Estados Unidos a, okijto: “Tla timomachilia moselti noso tika moselti non uelis kichiuas amo kuali ximomachili uan ximokoko. Pero uelis itlaj tikchiuas para nochipa kuali timouikas inuan oksekimej”.

 Sekimej momachiliaj inselti porque katej inselti pero sekimej ijkon momachiliaj maski kinpiaj infamiliares noso inyolikniuan. Tla timomachilia moselti amo ximotekipacho, Biblia kijtoua tlen uelis tikchiuas para ayakmo ijkon timomachilis. Uelis okachi timouikas inuan moyolikniuan.

 Xikijto tlen mitspanoua. Non amo kijtosneki san te moneki mamitskakikan noijki xikinkaki oksekimej. Tla mitstekipachoua tlen kipanoua moyolikni okachi kuali iuan timouikas.

•   Texto bíblico: Xiktemokan “tlen kinpaleuis oksekimej uan amo xikchiuakan san tlen namejuan namechpaleuis” (Filipenses 2:4).

 Xikinpia oksekimej moyolikniuan. Ximouika inuan akinmej yikipiaj miak xiuitl, ok telpochmej, akinmej chantij itech okse altepetl noso tlajtouaj okse intlajtol.

•   Texto bíblico: “Techtlasojtlakan ika nochi namoyolo” (2 Corintios 6:13).

 Tla tikneki tikmatis ken uelis okachi timouikas inuan oksekimej xiktlajtolti tlamachtil tlen itoka “Cómo saciar la sed de amistad”.