Ompa Haití sapanoua kichiuaj tlen amo kuali. Noijki sapanoua kichiuaj tlen amo kuali ompa Sudáfrica, México uan itech okseki altepemej. Noijki kanin ayakmo kichiuaj tlen amo kuali, miakej san momojtijtokej uan amo kuali momachiliaj.

 ¿Kijtoua Biblia tleka axkan okachi kichiuaj tlen amo kuali?

 Kijtoua miakej kichiuaskiaj tlen amo kuali uan non kiteititiskia “yitlamis tlen axkan onka” (Mateo 24:3). Jesucristo okijto tlen tlamantli panoskia:

•   “Miakej ayakmo tetlasojtlaskej porque momiaktilis tlen amo kuali” (Mateo 24:12).

 Biblia noijki kijtoua “itlamian tonalmej” miakej “amo kimatiskej monauatiskej, tetlajyouiltiskej uan kikokoliskej tlen kuali” (2 Timoteo 3:1-5). Miakej ijkon kichiuaj ikinon amo kintlakamatij tlanauatilmej.

 Pero amo nochipa ijkon panotos. Biblia kijtoua ayakmo miak poliui uan ayakmo kichiuaskej tlen amo kuali.

•   “Uan san tepitsin poliui uan akinmej amo yolkualmej ayakmo yetoskej, maski kintemoskej ayakmo ompa yetoskej. Pero akinmej yolkualmej kinmakaskej tlaltikpak uan melauak yolpakiskej porque yetos miak yolseuilistli” (Salmo 37:10, 11).

 ¿Tlen okseki kijtoua Biblia panos? ¿Ken tikmatij tlen axkan panotok kiteititia mochijtokej profecías tlen katej itech Biblia? Xiktlajtolti tlen nikan moijtoua:

 La esperanza real de un mañana mejor

 ¿Cuál es la señal de “los últimos días” o “los tiempos finales”?

 ¿Predijo la Biblia cómo sería la gente en nuestros días?