Opanok itlaj sapanoua teyolkoko 24 de mayo 2022, ompa Uvalde (Texas, Estados Unidos). Periódico The New York Times, okijto itech escuela primaria Robb, se tlakatl okinmikti 19 konemej uan ome maestras.

 Maski techyolkokoua, axkan ijkon panoua. Periódico USA Today okijto yisexiuitl ompa Estados Unidos itech escuelas okinmojmotlatoj kanaj 249 uelta, okachi ijkon opanok amo ken omochi itech 1970.

 ¿Tleka axkan panotok tlen teyolkoko? ¿Ken uelis timoyolseuiskej ijkuak panoua itlaj tlen teyolkokoua? ¿Ajsis tonal ijkuak kuali tiyetoskej? Biblia kijtoua tleka ijkon panoua.

•    Biblia kijtoua tikatej itlamian tonalmej. Ik non, miakej ayakmo tetlasojtlaj noijki “tetlaijyowiltiskeh”. Biblia noijki kijtoua miakej “okachi kijtlakojtiaskeh inyolo” (2 Timoteo 3:1-5, 13). Tla tikneki okachi tikmatis, xikita tlamachtil “¿Predijo la Biblia cómo sería la gente en nuestros días?”.

 Miakej kijtouaj tleka toTajtsin Dios amitlaj kichiua ijkuak panoua tlen amo kuali, ken ijkuak kinmojmotlaj itech escuelas. Tla tikneki okachi tikmatis tlen tlamachtia Biblia, xikita tlen kijtoua tlamachtil: ¿Por qué le pasan cosas malas a la gente buena?

•    “Nochi tlan yowejka omoijkuilo itech tiotlajkuíloli, omoijkuilo para matimoixtlamachtikah, para matikchiakah ika yolsewílistli tlan Ye yokijto techmakas” (Romanos 15:4).

 Uelis techpaleuis tlen kijtoua Biblia para tikxikoskej nochi tlen panotok. Tla tikneki okachi tikmatis, xikita revista ¡Ma titlachixtokan! “¿Acabará algún día la violencia?”.

 Ualeua konemej kitaj noticias uan momojtiaj. Tla tikinpiaj mokoneuan uan tikneki tikinpaleuis amo mamomojtikan, xikita nin tlamachtil: “El efecto de las noticias en los niños”.

•    “Kinpaleuis amo ma kintlajyouiltikan” (Salmo 72:14).

•    “Kinkopaskej inmiespadas tlen ika tlameuaskej uan inlanzas kikopaskej tlen ika kitekiskej xiuitl. Ayakmo moteuiskej ika espadas se ueyi altepetl iuan okse, nion momachtiskej guerra” (Miqueas 4:3).

 ITekiuajkayo toTajtsin Dios uelis kipojpolos tlen miakej amo uelij kichiuaj. ITekiuajkayo uelis kipojpolos teposmej uan akinmej tetlajyouiltiaj. Tla tikneki okachi tikmatis tlen kichiuas iTekiuajkayo toTajtsin Dios, xikita tlamachtil “ITekiuajkayo toTajtsin Dios kichiuas ma yeto yolseuilistli”.