Miakej tekiuajkej uan ixtlamatkej kijtouaj tlen kichiua inteligencia artificial (IA). Kijtouaj nin uelis techpaleuis pero noijki uelis techijtlakos.

•   “Inteligencia artificial (IA) ueli kichiua miak tlamantli uan uelis techpaleuis[...]. Pero noijki uelis san niman techijtlakos porque ika inteligencia artificial uelis san ichtaka techitaskej, techtlachtekiskej, techmomojtiskej uan kichiuas ayakmo matikinneltokilikan oksekimej” (Kamala Harris, vicepresidenta de Estados Unidos, 4 de mayo de 2023).

•   “Maski inteligencia artificial (IA) uelis techpaleuis para amo okachi matimokokokan, noijki uelis kichiuas ayakmo kuali matiyetokan uan matimokokokan” (Grupo internacional de médicos y profesionales de la salud dirigido por el doctor Frederik Federspiel, BMJ Global Health, 9 de mayo de 202). a

•   “Ika inteligencia artificial (IA) uelis kijtoskej itlaj tlen amo melauak opanok. Noijki uelis kichiuas miakej makipolokan inteki. Sekimej ixtlamatkej kijtoua xamo satepan inteligencia artificial uelis kichiuas matiixpoliuikan” (The New York Times, 1 de mayo de 2023).

 Satepan motas kox inteligencia artificial techpaleuis noso techijtlakos. ¿Tlen kijtoua Biblia?

 Biblia kijtoua tleka tecnología tlen axkan kichiuaj amo nochipa uelis techpaleuis.

1.  1. Maski miakej kichiuaj seki tlamantli para tlapaleuiskej, amo kimatij kox melauak tlapaleuis noso amo.

   •   “Onka se ojtli tlen tlakatl uelis kitas kuali pero saiktlami kichiuas mamiki” (Proverbios 14:12).

2.  2. Xamo sekimej amo kuali kitekitiltiskej tlamantli tlen tikchiuaj uan tejuan amitlaj uelis tikchiuaskej.

   •   “Moneki nikajteuilis [noteki tlen onikchi] tlakatl tlen uits satepan. Amo nikmati kox yetos ixtlamatki noso xoxo. Ye kipias uan kichiuas tlen kinekis ika tlen ne onimochijchika nikpias ipan tlaltikpak” (Eclesiastés 2:18, 19).

 Nochi nin tlamantli techititia moneki matechyekana akin otechchijchi.

 ToTajtsin Dios akin otechchijchi amo kitekauilis ikaj makipojpolokan tlaltikpak ika tecnología.

•   “Tlaltikpak nochipa yetos” (Eclesiastés 1:4).

•   “ Yolmelauakej yetoskej tlaltikpak uan nochipa itech chantiskej” (Salmo 37:29).

 Biblia kijtoua toTajtsin Dios akin otechchijchi techyekana para satepan uelis timoyolseuijtoskej uan kuali tiyetoskej. Tla tikneki okachi tikmatis tlen tlamachtia Biblia xikita tlamachtil tlen itoka: “¿Kajki se amochtli tlen mitspaleuis kuali xiyeto satepan?” uan “La esperanza real de un mañana mejor.”