António Guterres tlen kajki ken secretario general itech Naciones Unidas, okijto axkan moneki itlaj tikchiuaskej para amo titlajyouiskej. Ijkon okijto porque sábado 13 de abril 2024 akinmej chantij altepetl Irán opejki momakaj iuan akinmej chantij altepetl Israel.

 Nin guerra tlen panotok itech nonmej altepemej kiteititia panotok miak tlamantli ipan nochi tlaltikpak.

 26 de enero 2023 akinmej tlapaleuiaj itech Consejo de Seguridad tlen pouij itech ONU, okijtojkej: “Axkan okachi miakej mokualaniaj uan amo ijkon ken ijkuak opanok Segunda Guerra Mundial. Noijki kanaj 2,000 millones chantij kanin onka guerra”.

 Ijkon panotok ompa Israel, Gaza, Siria, Azerbaiyán, Ucrania, Sudán, Etiopía, Níger, Myanmar uan Haití. a

 ¿Se tonal ayakmo yetos guerra? ¿Uelis tlapaleuiskej akinmej tlayekanaj ipan nochi tlaltikpak kuali matiyetokan? ¿Tlen kijtoua Biblia?

 Nochi tlen axkan panotok kiteititia ayakmo miak poliui ayakmo yetos guerra. ITlajtol toTajtsin Dios kijtoua tlen axkan panotok kiteititia “yitlamis tlen axkan onka” (Mateo 24:3).

•   “Nankikakiskej onka guerra itech miakej altepemej. [...] Porque se altepetl mokualanis iuan okse altepetl uan noijki tekiuajkej mokualaniskej” (Mateo 24:6, 7).

 Xiktlajtolti tlamachtil tlen itoka “¿Cuál es la señal de ‘los últimos días’ o ‘los tiempos finales’?”. Ompa tikitas tlen axkan panotok kiteititia yimochijtok tlen kijtoua Biblia.

 Biblia kijtoua ayakmo yetos guerra pero non amo uelis ijkon kichiuaskej personas. Biblia kijtoua yetos se “guerra itech iueyi tonal toTajtsin Dios tlen kipia nochi chikaualistli” uan non itoka Armagedón (Apocalipsis 16:14, 16). Satepan kuali tiyetoskej ijkon ken yokijto toTajtsin Dios (Salmo 37:10, 11, 29).

 Tla tikneki tikmatis tlen panos itech iueyi tonal toTajtsin Dios, xiktlajtolti tlamachtil “¿Tlen kijtosneki Armagedón?”.