“Sapanoua patio tlamantli tlen okachi moneki”, ijkon okijto akin kiyekanaj Grupo Banco Mundial itech se informe tlen okiski junio 2022. “Axkan okachi tlapatio pero amo onka tomin”.

 Akinmej tlayekanaj itech Fondo Monetario Internacional okijtojkej: “Tlakuali, gasolina uan okseki tlamantli tlen okachi moneki san niman patioua uan nin okachi kintlajyouiltia akinmej amo kipiaj miak tomin”.

 Biblia kijtoua tleka amo onka tomin uan okachi tlapatioua, noijki techiluia ken uelis titlaxikoskej uan ken moyektlalis tlen axkan panotok.

•   Biblia kijtoua tikatej itlamian tonalmej (2 Timoteo 3:1).

•   Jesús okijto “motas tlan temojti” uan nin kichiuaskia miakej mamomojtikan (Lucas 21:11). Ijkuak okachi tlapatioua miakej momojtiaj porque amo kimatij tlen panos satepan uan kox uelis kimaluiskej infamilia.

•   Amochtli Apocalipsis kijtoua itech ninmej tonalmej oui tikpiaskiaj tlen tikkuaskej porque patio yetoskiaj. Ompa kijtoua: “Onikak se tlájtoli non okijtoaya:—Se kilo trigo noso eyi kilo sebada ipati tlan se tlakéwali kitlani itech se tonati” (Apocalipsis 6:6).

 Tla tikneki tikmatis okachi itech itlamian tonalmej uan profecía tlen kajki itech amochtli Apocalipsis, xikita video Itech xiuitl 1914 opejki tlamochiua miak tlamantli uan xikita tlamachtil: “¿Qué representan los jinetes del Apocalipsis?”.

•   “Yejuan kinchijchiuaskej kalmej uan ompa chantiskej, kintokaskej viñas uan kikuaskej itlakilo. Yejuan amo kinchijchiuaskej kalmej uan oksekimej ompa chantiskej; amo tlatokaskej uan oksekimej tlakuaskej” (Isaías 65:21, 22).

•    “Yetos miak xinachtli ipan tlaltikpak, ipan tepemej sapanoua tlamochiuas” (Salmo 72:16).

•   “‘Yonikitak tlen kinpanoua akinmej tlajyouiaj uan ken moyolkokouaj akinmej amitlaj kipiaj, ik non, nimoketsas uan nikinpaleuis’, ijkon kijtoua Jehová” (Salmo 12:5). a

 Ayakmo miak poliui toTajtsin Dios kichiuas tinochtin matikpiakan tlen ika timopanoltiskej. Tla tikneki okachi tikmatis ken kichiuas, xikita tlamachtil “¿Es realista esperar un sistema económico justo?”.

 Biblia uelis techpaleuis matikmatikan tlen tikchiuaskej itech ninmej tonalmej, techiluia ken uelis tiktekitiltiskej totomin (Proverbios 23:4, 5; Eclesiastés 7:12). Tla tikneki tikmatis okachi, xikita tlamachtil “Xikmalui motomin uan tlen tikpia” uan “Cómo vivir con menos”.