Secretario general de las Naciones Unidas, António Guterres, okijto: “Axkan okachi kijtlakojtokej tlaltikpak porque san kanin tlaxixini, miakej altepemej atemi, sapanoua tlatotonia, chikauak ejekakiaui, amo onka atl, miakej yolkamej mikij uan amo okachi kuajyo. Nochi non axkan panotok. Ixtlamatkej kijtoua ijkon panotok porque tejuan tikijtlakojtokej tlaltikpak”. Non tlakatl ijkon okitematilti ijkuak opanok informe del Grupo Intergubernamental de Expertos sobre el Cambio Climático tlen okiski 4 de abril 2022.

 “Miakej ixtlamatkej kijtoua satepan ijtlakauiskej parques nacionales tlen katej ompa Estados Unidos porque axkan kanin seua okachi tlatotonia. Xamo poliuiskej 423 parques nacionales porque kintlatiaj kuajmej, atemi, pati setl, mares okachi moskaltia uan chikauak tlatotonia” (“Flooding Chaos in Yellowstone, a Sign of Crises to Come,” The New York Times, 15 de junio 2022).

 ¿Ayakmo ijtlakauis tlaltikpak? ¿Keman ijkon panos? Matikitakan tlen tlamachtia Biblia.

 Biblia kijtoua toTajtsin Dios ‘kimpojpolos akimeh kijtlakoah n tlaltíkpaktliʼ (Apocalipsis 11:18). Non versículo kiteititia eyi tlamantli:

1.  1. Akinmej chantij tlaltikpak kijtlakoskia.

2.  2. Tlen kipanoua tlaltikpak uelis moyektlalis.

3.  3. ToTajtsin Dios kiyektlalis tlaltikpak uan amo akinmej nikan chantij.

 Biblia kijtoua “tlaltikpak nochipa yetos” (Eclesiastés 1:4). Nochipa tichantiskej itech tlaltikpak.

•   “Yolmelauakej yetoskej tlaltikpak uan nochipa itech chantiskej” (Salmo 37:29).

 Satepan tlaltikpak kualtsin yetos.

•   “Kualtsin yetos kanin tlauaki uan kualtsin tlaxochitis kanin tlakuauak tlali” (Isaías 35:1).