Itech noticias nochipa mota ken miakej mokokoliaj, mochikoitaj uan onka guerras.

•   15 de noviembre 2023 periódico The New York Times okijto “ijkuak opanotoka guerra ompa Israel uan Gaza, miakej opejkej mokualaniaj itech internet. Ijkon okichijkej akinmej kinpaktia mokualaniskej inuan tekiuajkej”.

•   3 de noviembre 2023 Dennis Francis, akin kiyekana Asamblea General de las Naciones Unidas, okijto: “Desde 7 de octubre opejki okachi mokokoliaj, miakej kijtouaj tlen amo kinpaktia uan sekimej kichiuaj tlen amo kuali porque tekokoliaj”.

 Pero amo yikin opejki mokokoliaj uan kichiuaj guerras. Biblia kijtoua yiuejkika okatkaj miakej tlen otekokoliayaj uan okichiuayaj guerras. Noijki kijtoua tlen okijtouayaj okatka ken flechas (Salmo 64:3; 120:7; 140:1). Pero Biblia kijtoua tlen kijtosneki ijkuak tikitaj axkan miakej mokokoliaj.

 Biblia kijtoua ome tlamantli tleka axkan miakej mokokoliaj.

1.  1. Biblia kijtoua itlamian tonalmej “miakej ayakmo tetlasojtlaskej” (Mateo 24:12). Ikinon miakej ayakmo motlasojtlaj uan san mokokoliaj (2 Timoteo 3:1-5).

2.  2. Biblia kijtoua “nochtin tlen chantij tlaltikpak katej imak Satanás” (1 Juan 5:19; Apocalipsis 12:9, 12). Ijkuak tikitaj axkan miakej mokokoliaj tikajsikamatij Satanás tlanauatijtok porque ye tekokolia.

 Pero Biblia noijki kijtoua satepan toTajtsin Dios kichiuas ayakmo mamokokolikan uan ayakmo ikaj tlajyouis porque kikokoliaj. Biblia kijtoua:

•   Totajtsin Dios “kinmixayouajuatsas, ayakmo yetos mikilistli, ayakmo ikaj moyolkokos, ayakmo ikaj chokas nion ayakmo ikaj tlajyouis. Yopojpoliuik tlen achto okatka” (Apocalipsis 21:4).