9 de octubre 2024 akinmej tekipanouaj itech Fondo Mundial para la Naturaleza, okijtojkej tlen kinpanoua yolkamej. Okijtojkej cincuenta xiuitl tlen yopanok desde 1970 a 2020, kanaj 73% yopolikej yolkamej. Noijki okijtojkej: “Tlen panos ipan makuili xiuitl kiteititis kox uejkauas tlaltikpak”.

 Miakej kintekipachoua ijkuak ixtlamatkej kijtouaj nin tlamantli. Ijkon techpanoua porque techpaktia tichantiskej ipan nin tlaltikpak uan techyolkokoua ijkuak yolkamej tlajyouiaj. Ijkon timomachiliaj porque toTajtsin Dios otechchijchi matiknekikan tikinmaluiskej yolkamej (Génesis 1:27, 28; Proverbios 12:10).

 Ikinon xamo timotlajtlaniaj kox uelis tikinpaleuiskej yolkamej. ¿Kijtoua Biblia tlen uelis tikchiuaskej?

 San toTajtsin Dios uelis kinmaluis yolkamej porque tejuan amo uelis ijkon tikchiuaskej maski timochijchikauaskej. Biblia kijtoua itech Apocalipsis 11:18 toTajtsin Dios ‘kinmixpolos akinmej kijtlakouaj tlaltikpak’. Nin versículo techpaleuia matikmatikan ome tlamantli:

1.  1. ToTajtsin Dios amo kitekauilis makipojpolokan tlaltikpak.

2.  2. ToTajtsin Dios san niman itlaj kichiuas. ¿Ken tikmatij itlaj kichiuas? Porque axkan okachi kinmiktiaj yolkamej.

 ¿Tlen kichiuas toTajtsin Dios para kiyektlalis tlen panotok? Ye yokitlali se Tekiuajkayotl tlen tlanauatis ipan nochi tlaltikpak (Mateo 6:10). Non Tekiuajkayotl kinpaleuis akinmej tetlakamatij makinmaluikan yolkamej (Isaías 11:9).