Nesi amo. Diablo amo okilui Eva tla kikuaskia tlakilotl tlen toTajtsin Dios okinmilui amo ma kikuakan, mikiskia uan ok mokauaskia itlaj ok yoltok tlen amo kanaj mota ijkon ken axkan miakej kineltokaj. Satanás okikajkaya Eva ika se kouatl uan okilui amo mikiskia. Moajsikamati okilui yoltoskia uan yolpakiskia nikan tlaltikpak tla san iselti monauatiskia (Gén. 2:17; 3:3-5).

¿Keman opejki kineltokaj itlaj mokaua ok yoltok ijkuak tiixpoliuij tla itech Edén amo ijkon omoajsikamatki? Amo kuali tikmatij keman opejki ijkon kineltokaj. San tikmatij ijkuak otlatenki nikan tlaltikpak omikej akinmej opouiayaj itech religión tlen amo melauak otlamachtiayaj. San omomakixti Noé uan ifamilia uan yejuan okitekichiuiliayaj toTajtsin Dios. Ik non, opojpoliuik nochi tlen amo melauak okineltokayaj.

Xamo satepan ijkuak otlatenki opejki kineltokaj itlaj mokaua ok yoltok ijkuak tiixpoliuij. Ijkuak toTajtsin Dios okichi tlatlamantli ma tlajtokan akinmej okatkaj Babel uan oyajyajkej, xamo yejuan noijki okineltokayaj itlaj mokaua ok yoltok ijkuak tiixpoliuij (Gén. 11:8, 9). Pero amo kuali tikmatij keman opejki kineltokaj itlaj mokaua ok yoltok ijkuak tiixpoliuij. Pero kuali tikmatij Satanás ye “teta de nochteh non tlakajkayawah”. Ye itlajtlakol miakej kineltokaj itlaj mokaua ok yoltok ijkuak tiixpoliuij uan miakej yokinkajkaya. Ye yolpaki ijkuak ijkon kineltokaj (Juan 8:44).