¿Uelis tikinnankilis ninmej tlajtlanilmej tlen okiskej itech revistas Akin Tetlapouijtok? Xikita kox uelis tikinnankilis ninmej tlajtlanilmej:

¿Ken moneki tikinmitaskej tokniuan tlen kinpejpena toTajtsin Dios?

Tikmatij tlapejpenalmej kipiaj chikauak intlaneltokilis pero amo sapanoua ma tikinpatioitakan. Tejuan amo sapanoua tikinpatioitaj oksekimej (Jud. 16). Amo ma tikintlajtlanikan ken okimatkej kox yaskej iluikak (w20.01, página 29).

¿Tleka uelis tikneltokaskej tinochtin techixmati Jehová?

Biblia kijtoua Jehová otechitak ijkuak ayamo otinesiayaj uan techkaki ijkuak iuan timotlapouiaj. Jehová kimati tlen tikpiaj itech toyolo uan tlen timokuayejyekouaj. Noijki tlen tikchiuaj uelis kiyolpaktis Jehová noso uelis kiyolkokos (1 Crón. 28:9; Prov. 27:11). Jehová otechyoltilanki (w20.02, página 12).

¿Keman moneki titlajtoskej uan keman amo moneki titlajtoskej?

Tiyolpakij tikintlapouiskej oksekimej akin Jehová. Noijki moneki timotlapouiskej iuan akin tikitaj tlajtlakolchiuas. Tlayekankej moneki san niman motlapouiskej iuan se tokni tla moneki kiyektlaliskej. Amo tikintlajtlaniaj tokniuan nion tikijtojtinemij ken kichiuaj kanin amo kinkauiliaj ma monechikokan nion ma tetlapouikan. Amo tikijtojtinemij tlen amo moneki kimatiskej oksekimej (w20.03, páginas 20 uan 21).

¿Tleka tikijtouaj okse tlamantli kijtosneki tlen moijtoua itech Joel 2 uan Apocalipsis 9?

Itech Joel 2:20-29 kijtoua Jehová uejka kinuikas chapulimej, noijki okijto kinteochiuas akinmej okintlakualijkej chapulimej. Ijkon opanok ijkuak soldados tlen ochantiayaj Babilonia okintlajyouiltijkej israelitas. Chapulimej tlen moijtoua itech Apocalipsis 9:1-11 kineskayotia tlapejpenalmej porque yejuan tetlapouiaj tlen kinpanos akinmej amo kineltokaj toTajtsin Dios uan miakej amo kinpaktia tlen kikakij (w20.04, páginas 3 hasta 6).

¿Akin tekiua tlen kajki norte itech ninmej tonalmej?

Rusia uan akinmej kipaleuiaj. Kinkokoliaj uan kintlajyouiltiaj miakej itekipanojkauan toTajtsin Dios uan amo kinkauiliaj ma tetlapouikan. Tekiua tlen kajki norte moteuia iuan tekiua tlen kajki sur (w20.05, página 13).

¿San Gálatas 5:22, 23 kijtoua tlen poui itech espíritu Santo?

Amo. Espíritu santo noijki techpaleuia “matiyetokah timilajkameh” uan itech okseki tlamantli (Efes. 5:8, 9) (w20.06, página 17).

¿Tlen uelis panos tla itech redes sociales tikijkuilouaj tlen otikchijkej noso tikintlaliaj fotos uan videos?

Tlen tiktlaliaj itech Internet noso redes sociales uelis kiteititis timoueyinekij uan amo tiyolyamankej (w20.07, páginas 6 uan 7).

¿Ken uelis tikchiuaskej ken akinmej kimatij michkitskiaj?

Akinmej kimatij michkitskiaj michkitskitiuij ijkuak onka michimej, kimatij tlen kitekitiltiskej uan ken kitekitiltiskej uan nochipa yolchikauakej. Tejuan noijki ijkon uelis tikchiuaskej ijkuak titetlapouiaj (w20.09, página 5).

¿Ken tikpaleuiskej akin tikmachtiaj ma kitlasojtla toTajtsin Dios?

Ma tikyoleuakan mojmostla ma kitlajtolti Biblia, ma tikmachtikan ma mokuayejyeko tlen kitlajtoltia uan ma motlatlaujti (w20.11, página 4).

Pablo okijto: “Nochteh akimeh tiktlakitah Cristo, nochipa yolitoskeh por Ye”. ¿Akinmej yejuan? (1 Cor. 15:22).

Apóstol Pablo amo okinekiaya kijtos kinyolitiskej nochtin akinmej yoixpolikej. Ijkuak okijto “nochteh”, okinekiaya kijtos kinyolitiskej tlapejpenalmej “non yomikkeh iwa okineltokakeh Cristo” (1 Cor. 1:2; 15:18) (w20.12, páginas 5 uan 6).

¿Tlen kichiuaskej tlapejpenalmej? (1 Cor. 15:51-53).

Tlapejpenalmej kipaleuiskej Jesús uan kinmixpoloskej akinmej amo yolkualmej ken yetoskia “ika se basto [de tepostli]” (Apoc. 2:26, 27) (w20.12, páginas 12 uan 13).