¿Yotikintlajtolti saiktlami revistas Akin Tetlapouijtok? Xikita kox uelis tikinnankilis ninmej tlajtlanilmej:

¿Tlen moneki tikchiuaskej para tikpatlaskej ken timokuayejyekouaj? (Rom. 12:2).

Amo san moneki kuali tikchiuaskej seki tlamantli para kuali tiyetoskej. Moneki tikitaskej tlen tikmachiliaj uan tlen tikchiuaj. Tla tikitaj itlaj amo kuali tikchijtokej, san niman moneki tikpatlaskej para tikchiuaskej tlen Jehová technauatia (w23.01, páginas 8 uan 9).

¿Tlen moneki tikchiuaskej para kuali tikitaskej tlen axkan panotok?

Tiknekij tikmatiskej tlen panotok ipan nochi tlaltikpak uan tiknekij tikmatiskej ken mochiuaskej profecías. Pero xamo tikijtoskej tlen tejuan timokuayejyekouaj uan amo tlen kijtoua ialtepe Jehová, non uelis kichiuas ayakmo kuali matimouikakan inuan tokniuan (1 Cor. 1:10) (w23.02, página 16).

¿Tleka Jesús amo omoapolakti ijkon ken imachtijkauan?

Jesús amo omotemakak ixpan Jehová porque ye oneski itech altepetl tlen yomotemakatoka ixpan Jehová. Noijki Jesús amo okatka tlajtlakole ikinon amo omonekiaya kiluis iTajtsin makitlapojpolui (w23.03, página 5).

¿Tlen uelis tikchiuaskej para matlanankilikan tokniuan?

Amo miak tlamantli matikijtokan ijkuak titlanankiliaj. Noijki amo matikijtokan nochi tlen kijtoua párrafo porque tlamo tokniuan ayakmo kimatiskej tlen kijtoskej (w23.04, página 23).

¿Tlen kijtosneki “Ojtli tlen Santo” tlen moijtoua itech Isaías 35:8?

“Ojtli tlen Santo” okineskayoti ojtli tlen okisaya Babilonia uan oajsiaya Israel. ¿Axkan onka se ojtli? Yikipia miak xiuitl opejkej kiyektlaliaj nin ojtli. Opejkej ijkuak ayamo oajsiaya 1919. Porque opejki kichiuaj impresión uan opejki kitlajtolkopaj Biblia. Nin ojtli axkan techpaleuia matikueyichiuakan Jehová ken ye kineki uan satepan techteochiuas ika iTekiuajkayo (w23.05, páginas 15 hasta 19).

¿Tlen kineskayotiaj ome siuamej tlen moijtoua itech Proverbios capítulo 9?

Amochtli Proverbios kijtoua tlen kichiua se “siuatl tlen amo ixtlamatki” uan tla tikseliskej tlen kichiua yetoskia ken tiaskej “kanin onka mikilistli”. Pero noijki tlajtoua itech se siuatl tlen ixtlamatki uan tiyoltoskej tla tikchiuaskej tlen ye kijtoua (Prov. 9:​1, 6, 13, 18) (w23.06, páginas 22 hasta 24).

¿Ken okiteititi Jehová yolyamanki ijkuak okajsikamatki Lot?

Jehová okinauati Lot uan ifamilia macholokan kanin tepeyo. Pero Lot okitlatlaujti Jehová makikauili mamokaua Zóar uan ye okilui uelis ompa mokauaskia (w23.07, página 21).

¿Tlen uelis tikchiuas tla monamik kita pornografía?

Amo xikijto motlajtlakol tlen kichiua monamik. Ximomachti Biblia uan ximomachti tlen okichijkej siuamej tlen sapanoua otlajyouijkej. Noijki uelis tikpaleuis monamik ayakmo makita pornografía (w23.08, páginas 14 hasta 17).

¿Tlen techpaleuis amo matikualanikan ijkuak techtlajtlaniskej tlen tikneltokaj?

Tlen techtlajtlaniskej oksekimej techpaleuis matikmatikan ken mokuayejyekouaj uan tlen kintekipachoua. Non techpaleuis kuali matikinnankilikan uan amo matikualanikan (w23.09, página 17).

¿Tlen okipaleui María mamoyolchikaua?

Ijkuak María okimatki kipiaskia iKone toTajtsin Dios, ye okinkauili oksekimej makipaleuikan. Ángel Gabriel uan Elisabet okiyolchikajkej ika iTlajtol toTajtsin Dios. Tejuan noijki uelis techyolchikauaskej tokniuan (w23.10, página 15).

¿Ken technankilia Jehová ijkuak tiktlatlaujtiaj?

Jehová kijtoua techkaki ijkuak tiktlatlaujtiaj uan kilnamiktok tlen kineki kichiuas ijkuak technankilia (Jer. 29:12). Tlatlamantli technankilia pero ye techiluia nochipa techpaleuis (w23.11, páginas 21 uan 22).

¿Tleka oksepa moijtoua itech Romanos 5:4 tlen okichiayaj mamochiua tla yomoijtojka non tlamantli itech Romanos 5:2?

Ijkuak ikaj peua momachtia Biblia xamo peua kineltoka uelis yoltos itech xochitlali. Pero ijkuak tlajyouia uan tlaxikoua kimati Jehová kiselia, non kipaleuia okachi makineltoka melauak mochiuas tlen kichia (w23.12, páginas 12 uan 13).