Axkan yotikitakej seki tlamantli tlen techpaleuia ma tikmatikan akin toTajtsin Dios. Otikitakej Biblia kijtoa toTajtsin Dios itoka Jehová uan techtlasojtla. Noijki otikitakej tlen yokichi uan tlen kichiuas satepan para kuali tiyetoskej. Ik non, moneki okachi tikixmatis pero xamo timotlajtlania kox mitspaleuis tla ijkon tikchiuas.

Jehová kineki xikixmati (1 Crónicas 28:9). Tla tikixmatis, sapanoa mitsteochiuas porque kuali iuan timouikas (Salmo 25:14). ¿Mitspaleuis iuan timouikas?

Melauak tiyolpakis. Biblia kijtoa Jehová “yolpaki” (1 Timoteo 1:11, TNM). Tiyolpakis tla timouikas iuan toTajtsin Dios uan tla timokuayejyekos ken ye. Noijki mitspaleuis xichikajto, kuali timokuayejyekos uan kuali timomachilis (Salmo 33:12). Noijki amo tikchiuas tlen mitstlajyouiltis, tikchiuas tlen kuali uan kuali timouikas iuan oksekimej. Tikijtos ken salmista: “Pero nimotokis iuan toTajtsin Dios non okachi kuali” (Salmo 73:28).

ToTajtsin Dios mitsmaluis. Jehová kinmiluia ‘kinmaluis’ akinmej inmiuan mouika (Salmo 32:8). Nin kiteititia Jehová techmaluia uan techmaka tlen techpoloa (Salmo 139:1, 2). Tikitas Jehová okachi mitspaleuis tla okachi iuan timouikas.

Satepan kuali tiyetos. ToTajtsin Dios kineki nochipa xiyolpaki (Isaías 48:17, 18). Biblia kijtoa: “Tla mitsixmatiskeh sanwel Tejwatsi n de milajka Dios, iwa Cristo Jesús, Akin Tejwatsi otikwaltítlanki, kipiaskeh n yolílistli tlan ayik tlamis” (Juan 17:3). Tlen yokijto toTajtsin Dios kichiuas, techpaleuis amo ma timokuayejyekokan ‘kox milák noso amo milák’ mochiuas. Nin techpaleuis maski tikixnamikiskej ouijkayotl (Romanos 4:20).

Otikitakej san seki tlamantli tlen mitspaleuis xikixmati toTajtsin Dios uan iuan ximouika. Tla tikneki tikmatis okachi, ximotlapoui iuan se iTlaixpantijka Jehová noso xikita página tlen tikpiaj itech Internet jw.org/ncx.