¿KEN UELIS AYAKMO TITEKOKOLISKEJ?
2 | Amo ximomakopa
Biblia kijtoua:
“Tla aka nomechtoktia itla amokuali [...]. Asta kan weletis, nomejwah xiktemolikah kenijki nonmoyekwikaskeh ika yolsewílistli iwan nochteh. Notlasojikniwah [...], amo san nomejwah ximomakopakah [...]. Porke n tiotlajkuíloli kijtoa: ‘Sanwel Ne nitetlaijyowiltis; Ne nitetlaxtlawis, kijtoa n Toteko’” (ROMANOS 12:17-19).
¿Tlen kijtosneki?
Amo tlajtlakoli tla tikualanij porque ikaj otechchiuili itlaj tlen amo kuali, pero toTajtsin Dios amo kineki ma timomakopakan. Ye techiluia ma timochiakan porque satepan tlayektlalis uan ayakmo ikaj techchiuilis tlen amo kuali (Salmo 37:7, 10).
Nin uelis tikchiuas:
Tla timomakopaj, san tikchiuaskej oksekimej noijki ma momakopakan. Ik non, tla ikaj omitsyolkoko, amo ximomakopa. Amo san niman xikualani uan xiktlakaita. Ualeua okachi kuali ma tikilkauakan tlen otechchiuilijkej (Proverbios 19:11). Pero tla omitstlajyouiltijkej, kema monekis tikijtos tlen omitstoktijkej. Tla itlaj amo kuali omitstoktijkej, uelis tikinmiluis tekiuajkej.
Titlajyouiskej tla timomakopaj
¿Tla amo uelis timotlapouis iuan akin omitsyolkoko porque sapanoua kualantok? Noso ¿tla yotiknek iuan timotlapouis uan ye amo kineki? Amo ximomakopa, tlamo titlajyouis. Amo xikkokoli para oksekimej amo mitskokoliskej. Xikneltoka satepan toTajtsin Dios kichiuas ayakmo ika ma kichiua tlen amo kuali. Salmo 37:3-5 kijtoua: “Xitlaneltoka uan ye mitspaleuis”.
Xamo noijki mitspaktis
BIBLIA OKINPATILI INNEMILIS
Oniknekiaya ayakmo ikaj ma kichikoitakan
Rafika omosetili iuan oksekimej tlen noijki okinekiayaj ayakmo ikaj ma kichikoitakan. Satepan omomachti Biblia kijtoua iTekiuajkayo toTajtsin Dios kichiuas tinochtin ma tiyetokan ika yolseuilistli uan ayakmo ikaj kichikoitaskej.
BIBLIA OKINPATILI INNEMILIS
¿Keman nochtin motlasojtlaskej uan ayakmo mokokoliskej?
Sekimej kitaj oui ayakmo techikoitaskej. Xikita tlen okinpaleui ome tlakamej ayakmo matechikoitakan nion matekokolikan.
