¿KEN UELIS AYAKMO TITEKOKOLISKEJ?
3 | Ayakmo ximokuayejyeko titekokolis
Biblia kijtoua:
“Xikpatlakah nomotlayejyekolis para ijkó manomechyankuili nomonemilis. Ijkó weletis nonkimatiskeh tlan kimonekiltia Dios” (ROMANOS 12:2).
¿Tlen kijtosneki?
ToTajtsin Dios kipatioita ken timokuayejyekouaj (Jeremías 17:10). Moneki kuali timokuayejyekoskej tlen tikijtouaj uan tlen tikchiuaj. Tlen timokuayejyekouaj uan tlen tikpiaj itech toyolo uelis kichiuas ma titekokolikan, ik non, ayakmo ma timokuayejyekokan titekokoliskej nion ayakmo ijkon ma tikmachilikan. Tla ijkon tikchiuaj, tikpatlaskej tonemilis uan ayakmo titekokoliskej.
Nin uelis tikchiuas:
Ximokuayejyeko tlen tikmachilia ijkuak tikinmita akinmej oksekan inmialtepe. Ximotlajtlani: “¿Nimokuayejyekoua amo kuali tlen kichiuaj?”. Amo xikita redes sociales, películas noso okseki tlamantli kanin kiteititia tekokoliaj uan tlateuiaj.
ITlajtol toTajtsin Dios uelis techpaleuis para ayakmo ma timokuayejyekokan titekokoliskej
Oui tikseliskej tlen timokuayejyekouaj uan tikmachiliaj. Pero iTlajtol toTajtsin techpaleuis porque “kimati tlanon tikyejyekoaj ipan totlalnamikilis kox kuale o noso amo kuale, iwan kimati tlanon kineki toyolo” (Hebreos 4:12, Itlajtol Totajtzin Dios, [NHY]). Xikita tlen kijtoua Biblia uan ximochijchikaua timokuayejyekos tlen ompa kijtoua. ITlajtol toTajtsin Dios ueli kipojpoloua “nochi tlan amo kuali”, tlen timokuayejyekouaj uan tlen onka itech toyolo (2 Corintios 10:4, 5).
