Kuali ma timonauatikan
“Ijkuak n Espíritu kiyakana se tlakatl [...] kuali monawatia” (GÁL. 5:22, 23).
1. ¿Tlen kinpanoa akinmej amo kimatij monauatiskej?
IJKUAK kuali timonauatiaj tikchiuaj ken toTajtsin Dios (Gál. 5:22, 23). Jehová kuali kiteititia kimati monauatis. Pero tejuan titlajtlakolejkej uan san niman itlaj tikualchijtikisaj. Ik non, onka miak ouijkayotl porque tlaltikpaktlakamej amo kuali monauatiaj. Uan amo kichiuaj tlen okachi ipati, amo kuali tekitij noso akinmej yauij escuela amo kuali momachtiaj. Noijki akinmej amo ueli monauatiaj, teuijuikaltiaj, tlauanaj, moteuiaj, mokajkauaj inmixpan tekiuajkej, kiteuikiliaj tomin, kintsakuaj, intlalnamikilis amo kuali kajki, tla ikaj iuan motekaj kimopanoltiliaj kokolistli, kinpiaj inkoneuan maski amo okinekiayaj uan sekimej para kuali yetoskej moneki itlaj konitoskej noso itlaj kichichintoskej (Sal. 34:11-14).
2. ¿Tleka axkan moneki timotlapouiskej itech ken moneki timonauatiskej?
2 Ken tikitaj, akinmej amo kimatij monauatiskej motlajyouiltiaj uan noijki kintlajyouiltiaj oksekimej. Uan satepan okachi moouijtiliaj. Nin amo techtlajtlachialtia porque Biblia kijtoa “iksemi tonatijmeh” tlaltikpaktlakamej amo kimatiskej monauatiskej (2 Tim. 3:1-3).
3. ¿Tleka moneki kuali timonauatiskej?
3 ¿Tleka moneki kuali timonauatiskej? Ma tikitakan ome Gén. 3:6). Miakej kipiaj ouijkayotl ken Adán uan Eva porque amo kimatij kuali monauatiskej.
tlamantli. Achto tikitaskej akinmej kimatij kuali monauatiskej amo okachi kipiaj ouijkayotl. Okachi kuali mouikaj iuan oksekimej, amo kualanij, amo motekipachoaj nion moyolkokoaj. Uan okse, para kuali timouikaskej iuan toTajtsin Dios amo ma tikkauakan tlajtlakoli ma techyoltilana uan noijki okseki tlamantli tlen amo kuali. Adán uan Eva amo okimatkej kuali monauatiskej (4. ¿Tlen kinpaleuis akinmej amo kuali monauatiaj?
4 Jehová kimati titlajtlakolejkej uan amo kuali timonauatiaj. Pero Jehová kineki techpaleuis (1 Rey. 8:46-50). Tejuan kuali timouikaj iuan Jehová, ika tlasojtlalistli kineki techpaleuis ma tikixtopeuakan tlen amo kuali. Itech nin tlamachtil tikitaskej ineskayo Jehová. Noijki tikitaskej seki neskayomej itech Biblia tlen kuali omonauatijkej uan akinmej amo kuali omonauatijkej. Saiktlami tikitaskej tlen tikchiuaskej para okachi kuali timonauatiskej.
JEHOVÁ TECHMAKA KUALI NESKAYOTL
5, 6. ¿Ken kiteititia Jehová kimati kuali monauatis?
5 Jehová kiteititia kuali monauatia porque nochi tlen kichiua kuali kisa (Deut. 32:4). Pero tejuan amo ueli ijkon tikchiuaj porque titlajtlakolejkej. Pero moneki tikajsikamatiskej ken monauatia Jehová uan ijkon tikchiuaskej ken ye. ¿Ken okiteititi kimati kuali monauatia?
6 Ma timokuayejyekokan tlen okichi Jehová ijkuak Satanás okixnamik. Uelis itekipanojkauan yolmelajkej tlen katej iluikak okualankej uan omoyolkokojkej. Tejuan uelis noijki ijkon timomachiliaj ijkuak tikitaj sapanoa titlajyouiaj itlajtlakol Satanás. Jehová okimatiaya itlaj omonekiaya kichiuas pero amo san niman itlaj okichijtikiski. Ye kuali omokuayejyeko tlen kichiuaskia uan ye “amo san niman kualani” uan kixnamiki Satanás ika melajkayotl (Éx. 34:6; Job 2:2-6). ¿Tleka kikajtok ma pano miak xiuitl? Porque Jehová amo kineki ikaj ma miki “yej tinochteh matimoyolpatlakah inawak” (2 Ped. 3:9).
7. ¿Tlen techmachtia ineskayo Jehová?
7 Ineskayo Jehová techititia amo san itlaj ma tikchijtikisakan, okachi kuali, ma timokuayejyekokan tlen tikijtoskej uan tlen tikchiuaskej. Uan ijkuak itlaj miak ipati tikpejpenaskej, kuali ma timokuayejyekokan uan ma tikiluikan Jehová ma techmaka ixtlamatilistli para ma tikpejpenakan tlen okachi kuali (Sal. 141:3). Amo ma tikpejpenakan itlaj tikchiuaskej ijkuak tikualantokej porque tikchijtikisaskej itlaj tlen amo kuali. Ik non, ualeua timoyolkokoaj porque itlaj otikijtojkej tlen amo otiknekiayaj (Prov. 14:29; 15:28; 19:2).
TLEN KUALI OMONAUATIJKEJ UAN TLEN AMO KUALI OMONAUATIJKEJ
8. (1) ¿Tlen neskayomej tikinmajsij itech Biblia tlen techpaleuiaj kuali ma timonauatikan? (2) ¿Tlen okipaleui José amo ma tlajtlakolchiua? (Xikita tlaixkopinal tlen ika peua tlamachtil).
8 ¿Tlen neskayomej tikinmajsij itech Biblia tlen techpaleuiaj kuali ma timonauatikan? Uelis tikinmilnamikij miakej tlen kuali omonauatijkej ijkuak okipiayaj ouijkayotl. Ma tikitakan tlen okichi José ijkuak otekitiaya ikalijtik Potifar akin okinyekanaya isoldados tekiua tlen otlanauatiaya Egipto. Isiua Potifar okitak José okatka kuajkualtsin uan Gén. 39:6, 9; xiktlajtolti Proverbios 1:10).
miak uelta okilui iuan ma moteka. Pero ye okijto: “¿Ken uelis nikchiuas nin tlamantli sapanoa amo kuali uan nitlajtlakolchiuas ixpan toTajtsin Dios?”. ¿Tlen okipaleui José amo ma tlajtlakolchiua? Omokuayejyeko tlen uelis kipanoskia tla auilnemiskia iuan non siuatl. Ijkuak non siuatl okikitski itech itlaken, ye san niman ocholo (9. ¿Tlen tikchiuaskej tla techyoltilana tlen amo kuali?
9 ¿Tlen techmachtia ineskayo José? Para tikintlakamatiskej itlanauatiluan Jehová, ualeua moneki tikchololiskej tlen amo kuali techyoltilana. Sekimej tokniuan achto yetoskiaj iTlaixpantijkauan Jehová sapanoa otlakuayaj, otlauanayaj, otlachichinayaj, okintekitiltiayaj drogas uan oauilnemiayaj. Noijki uelis satepan ijkuak omoapolaktijkej ok kinyoltilana nin tlamantli amo kuali. Tla ijkon techpanoa, moneki ma tikilnamikikan ayakmo kuali timouikaskej iuan Jehová tla titlajtlakolchiuaskej. San niman ma tikitakan tlen tlamantli techyoltilana uan noijki ma tikitakan tlen tikchiuaskej uan ijkon amo tiuetsiskej itech tlen amo kuali (Sal. 26:4, 5; Prov. 22:3). Tla se tonal techyoltilana tlen amo kuali, ma tikiluikan Jehová ma techmaka ixtlamatilistli uan ma tikmatikan ma timonauatikan.
10, 11. (1) ¿Tlen kinpanoa miakej telpokamej uan ichpokamej kanin momachtiaj? (2) ¿Tlen kinpaleuis telpokamej uan ichpokamej amo ma kichiuakan tlen amo kuali?
10 Miakej telpokamej kixnamikij ouijkayotl ken José. Ma tikitakan tlen okipanok Kim. Akinmej iuan omomachtiaya okiluiayaj itlamian semana oauilnemiayaj uan sapanoa omoyolpaktiayaj. Pero Kim amo ijkon okichiuaya, ik non, amo itlaj okinmiluiaya. Kim kijtoa ualeua iselti omomachiliaya uan akinmej iuan omomachtiaya okiluiayaj xoxo porque amo ikaj iuan onemiaya. Kim kuali okimatoka ijkuak ok telpokamej uan ichpokamej, okachi kinekij ikaj iuan motekaskej (2 Tim. 2:22). Ijkuak okitlajtlaniayaj akinmej iuan omomachtiaya kox ikaj iuan yomotekak, okinyekinmiluiaya tleka amo ikaj iuan omotekaya. Melauak tikinpatioitaj telpokamej uan ichpokamej kixtopeuaj auilnemilistli. Jehová noijki kinpatioita.
11 Noijki Biblia tlajtoa itech akinmej amo kuali omonauatijkej, oauilnenkej uan okipixkej ouijkayotl. Tla telpokamej uan ichpokamej kinpanotok ijkon ken Kim, moneki ma mokuayejyekokan itech telpochtli tlen tlajtoa itech Proverbios tlakotonal chikome. Noijki uelis mokuayejyekoskej tlen okichi Amnón uan tlen okipanok (2 Sam. 13:1, 2, 10-15, 28-32). Tetajmej uelis kintekitiltiskej ninmej neskayomej ijkuak momachtiaj ken kalchanejkej uan ijkon kinpaleuiskej inkoneuan ma kimatikan kuali ma monauatikan uan kuali ma mokuayejyekokan tlen kichiuaskej itech non tlamantli.
12. (1) ¿Tleka José amo ochokak inmixpan ikniuan? (2) ¿Keman moneki tikmatiskej kuali timonauatiskej?
12 Axkan ma tikitakan okse tlamantli kanin kiteititia José noijki kuali omonauati. Ijkuak ikniuan omotlakouitoj Egipto. José amo okinmilui ikniuan akin okatka ye porque okinekiaya kimatis tlen omokuayejyekoayaj. Ijkuak ayakmo okixiko, ochokato kanin amo ikaj okitak (Gén. 43:30, 31; 45:1). Tlen okichi José uelis techpaleuis amo san niman ma tikualanikan ijkuak se tokni noso se tokalchanejka techchiuilia tlen amo kuali (Prov. 16:32; 17:27). Noijki tla se tokalchanejka okikixtijkej itech tlanechikol, moneki timomaluiskej para amo iuan timouikaskej. Uelis oui ijkon tikchiuaskej, pero amo oui yetos tla tikchiuaskej ken Jehová uan tiktlakamatiskej tlen techiluia.
13. ¿Tlen ome tlamantli techmachtia tlen okichi David?
13 Ineskayo David noijki techpaleuis. Ijkuak Saúl okinekiaya kimiktis uan ijkuak Simeí okinekiaya itlaj kichiuilis, David amo okualanki nion omomakuepki (1 Sam. 26:9-11; 2 Sam. 16:5-10). Pero David amo nochipa okimatki kuali monauatis. Ma tikilnamikikan tlen okinekiaya kichiuilis Nabal uan ijkuak omotekak iuan Bat-seba (1 Sam. 25:10-13; 2 Sam. 11:2-4). ¿Tlen techmachtia tlen okichi David? Se tlamantli, akinmej tlayekankej moneki kimatiskej kuali monauatiskej uan amo san tlanauatiskej ken yejuan kinekiskej. Uan okse tlamantli, amo sapanoa totech ma titlaneltokakan uan amo ma timokuayejyekokan amo tikchiuaskej tlen amo kuali (1 Cor. 10:12).
¿TLEN TECHPALEUIS KUALI MA TIMONAUATIKAN?
14. ¿Tlen okipanok se tokni uan tlen tikchiuaskej tla noijki ijkon techpanos?
14 ¿Tlen techpaleuis kuali ma timonauatikan? Ma tikitakan tlen okipanok se tokni tlen itoka Luigi. Se carro okikuitikiski icarro. Maski amo itlajtlakol Luigi, tlakatl akin okikuitikiski icarro opejki kiuijuikaltia uan okinekiaya kiteuis. Uan Luigi okitlatlaujti Jehová ma kipaleui amo ma mokualani uan ma moteui iuan non tlakatl, pero non tlakatl okiuijuikaltijtoka. Pero Luigi amo okualanki. Chikometika, Luigi okitlajpaloto se siuatl uan ompa okitak non tlakatl tlen okikuitikiski icarro uan nin tlakatl okatka inamik non siuatl tlen okitlajpaloto. Non tlakatl okilui Luigi ma kitlapojpolui uan okilui motlapouiskia iuan tlen tekitij itech seguro para totoka ma kiyektlalilikan icarro. Noijki iuan omotlapouijkej itech Biblia uan okijto sapanoa okipakti (xiktlajtolti 2 Corintios 6:3, 4).
Tla tikpiaj kuali toyelis kuali techkakiskej. (Xikita párrafo 14).
15, 16. Tla timomachtiaj Biblia, ¿ken techpaleuis kuali ma timonauatikan?
15 Tla kuali timomachtiaj Biblia, techpaleuis kuali ma timonauatikan. Ma tikilnamiktokan tlen Jehová okilui Josué: “Nin amochtli itech Tlanauatil moneki amo keman tikkauas uan tonal uan yoak moneki ichtakatsin tiktlajtoltis uan ijkon kuali tikchiuas nochi tlen itech ijkuilitok; para ijkon kuali tias itech moojui uan ijkon timoyekanas ika ixtlamatilistli” (Jos. 1:8). Tla timomachtiaj Biblia, ¿ken techpaleuis kuali ma timonauatikan?
16 Yotimomachtijkej seki neskayomej tlen katej itech Biblia tlen techititiaj ken techpaleuiskej tla kuali timonauatiskej uan tlen techpanos tla amo kuali timonauatiskej. Jehová otlanauati nochi ma kijkuilokan para ika ma timopaleuikan (Rom. 15:4). Ik non, moneki ma tikintlajtoltikan neskayomej, ma timomachtikan uan intech ma timokuayejyekokan. Ma tikitakan ken techpaleuiskej neskayomej tlen tikintlajtoltiaj, ken kinpaleuis tokalchanejkauan uan ma tiktlajtlanilikan Jehová ma techpaleui ma tikchiuakan tlen techiluia Biblia. Tla tikitaj amo kuali timonauatiaj, ma tikiluikan Jehová uan ma timochijchikauakan kuali ma timonauatikan (Sant. 1:5). Noijki techpaleuis ma timomachtikan ika amatlajkuilolmej.
17. Tetajmej, ¿ken uelis nankinpaleuiskej namokoneuan kuali ma monauatikan?
17 Tetajmej, ¿ken uelis nankinpaleuiskej namokoneuan kuali ma monauatikan? Ijkuak nesij konemej amo kimatij monauatiskej, ik non, moneki nankinmachtiskej (Efes. 6:4). Tla nankitaj namokoneuan amo kuali monauatiaj, ximotlajtlanikan kox kuali nankinmachtijtokej. Xikilnamiktokan moneki nanmochijchikauaskej nantetlapouiskej, nanmonechikoskej uan noijki nochipa nanmomachtiskej ken kalchanejkej. Uan amo ximomojtikan ijkuak nankinmiluiskej namokoneuan amo ma kichiuakan seki tlamantli. Jehová okilui Adán uan Eva seki tlamantli tlen amo kichiuaskiaj uan ijkon kiteititiskiaj okitlakamatiayaj. Noijki ijkon tetajmej tla kuali kinmachtiaj inkoneuan uan noijki kinmakaj se kuali neskayotl, yejuan kimatiskej kuali monauatiskej. Namejuan tetajmej uelis nankinmachtiskej namokoneuan ma kitlasojtlakan Jehová akin san ye tlanauatia uan noijki ma kintlakamatikan itlanauatiluan (xiktlajtolti Proverbios 1:5, 7, 8).
18. ¿Tleka moneki kuali tikinpejpenaskej akinmej inmiuan timouikaskej?
18 Maski titetajmej noso amo, moneki kuali tikinpejpenaskej akinmej inmiuan timouikaskej. Tla akinmej inmiuan timouikaj kitlasojtlaj Jehová, techpaleuiskej okachi ma tiknekikan tiktekichiuiliskej uan amo okachi tikpiaskej ouijkayotl (Prov. 13:20). Tla timouikaskej iuan tokniuan tlen kipiaj chikauak intlaneltokilis, techpaleuiskej kuali ma timonauatikan. Noijki yejuan kinpaleuis tla tejuan tikmatij kuali timonauatiskej. Tla mojmostla kuali timonauatiaj, toTajtsin Dios techselis, tiyolpakiskej uan kuali timouikaskej iuan akinmej tikintlasojtlaj.