NIN UELIS TIMOMACHTIS
Matikkauilikan Jehová matechmachti
Ijkuak timomachtiskej xamo timotlajtlaniskej: “¿Tlen nikneki nimomachtis?”. Ualeua tejuan tiknekij itlaj timomachtiskej pero Jehová xamo techmachtis okseki tlamantli. ¿Ken uelis tikkauiliskej Jehová matechmachti?
Matikiluikan Jehová matechmaka ixtlamatilistli. Matikiluikan Jehová matechpaleui matikajsikamatikan tlen kineki techmachtis (Sant. 1:5). Matimomachtikan okseki tlamantli uan amo san tlen yitikmatij (Prov. 3:5, 6).
Matikkauilikan iTlajtol toTajtsin Dios matechyekana. “ITlajtol toTajtsin Dios yoltok” (Heb. 4:12). Ijkuak tiktlajtoltiaj Biblia uelis timomachtiskej itlaj tlen amo otikmatiayaj uan uelis techpaleuis. Ijkon panos tla tikkauiliaj toTajtsin Dios matechmachti.
Matiktlasojkamatilikan Jehová nochi tlen techmachtia. Nochi tlen Jehová techmachtia yetoskia ken “miak tlakuali uelik” (Is. 25:6). Amo matikijtokan amo timomachtiskej seki tlamantli porque amo techpaktis. Porque techpaleuis tlen timomachtiskej uan uelis techpaktis ijkon ken se “tlakuali uelik”.