AMO SAN MA TIMOTEKIPACHOKAN
Satepan ayakmo timotekipachoskej
Biblia kipia ixtlamatilistli uan techpaleuis amo okachi ma timotekipachokan. Tejuan amo uelis tikchiuaskej ayakmo itlaj ma techtekipacho. Pero toTajtsin Dios uelis techpaleuis. Ye okitlali Jesucristo ma techpaleui. Ayakmo miak poliui uan Jesús kichiuas miak tlamantli okachi tetlajtlachialti tlen amo okichi ijkuak okatka nikan tlaltikpak. Ma tikitakan seki tlamantli:
JESÚS KINPAJTIS NOCHTIN AKINMEJ MOKOKOUAJ
“Okwalinwikilijkeh nochteh akimeh otlaijowiayah ika miak kokólistli: [...] Jesús nochteh okimpajtiaya” (MATEO 4:24).
JESÚS TECHMAKAS KANIN TICHANTISKEJ UAN TLEN TIKKUASKEJ
“Yejuan kinchijchiuaskej kalmej uan ompa chantiskej, kitokaskej viñas uan kikuaskej itlakilo. Yejuan amo kinchijchiuaskej kalmej uan oksekimej ompa chantiskej; amo tlatokaskej uan oksekimej tlakuaskej” (ISAÍAS 65:21, 22).
JESÚS KICHIUAS MA TIYETOKAN IKA YOLSEUILISTLI UAN AYAKMO IKAJ MOMOJTIS
“Ijkuakon, yetos akin yolmelauak uan nochipa yetos miak yolseuilistli, ijkon ken metstli amo keman poliuis. Ye kinpias akinmej kinnauatis kanin peua ueyi atl uan hasta kanin tlami ueyi atl uan kanin peua aueyatl hasta kanin tlami tlaltikpak [...] uan akinmej kikokoliaj kikuaskej tlali” (SALMO 72:7-9).
JESÚS KIPOJPOLOS TLEN AMO KUALI
“Kiknomatis akin tlajyouia uan akin amitlaj kipia uan kinmakixtis inyolilis akinmej amitlaj kipiaj. Kinpaleuis amo ma kintlajyouiltikan” (SALMO 72:13, 14).
JESÚS KIPOJPOLOS TLAJYOUILISTLI UAN MIKILISTLI
“Ayakmó yetos mikílistli, nion chokílistli, nion neyolkókoli” (APOCALIPSIS 21:4).
Xamo noijki mitspaktis
¿TLEN KIJTOUA BIBLIA?
¿Tlen kichiuas iTekiuajkayo toTajtsin Dios?
Xikmati tlen kichiuas iTekiuajkayo toTajtsin Dios ipan tlaltikpak.
