Amo ma timokokokan
Biblia amo kijtoa ken timopajtiskej pero techpaleuia amo ma timokokokan. Ma tikinmitakan seki principios bíblicos tlen techpaleuiskej amo ma timokokokan.
MA TIMOMALUIKAN
PRINCIPIO BÍBLICO: “Amaka kikokolia ikuerpo, yej kimalwia iwa kitlakualtia” (Efesios 5:29).
¿TLEN KIJTOSNEKI? Nin principio bíblico techyolinia ma timomaluikan. Ixtlamatkej kijtoaj timokokoaj porque tikchiuaj tlen amo techpaleuia. Pero kuali timomachiliskej tla tikkauaskej nochi tlen amo techpaleuia.
¿TLEN UELIS TIKCHIUASKEJ?
-
Kuali ma titlakuakan. Ma tikkuakan tlen techpaleuis uan ma tikonikan atl.
-
Ma tikchiuakan ejercicio. Ma timochijchikauakan ma tikchiuakan ejercicio uan noijki ijkon ma kichiuakan akinmej mokokoaj. Pero moneki tisejse timochijchikauaskej tikchiuaskej ejercicio maski uelis techpaleuiskej akinmej inmiuan tichantij noso akinmej tlapajtiaj.
-
Kuali ma tikochikan. Miakej amo kuali kochij porque kichiuaj okseki tlamantli uan satepan uelis mokokoskej. Ik non, kuali ma tikochikan tla tiknekij kuali timomachiliskej.
MA TIKKAUAKAN TLEN AMO TECHPALEUIA
PRINCIPIO BÍBLICO: “Amo matikchiwakah tlan weletis kijtlakos tokuerpo iwa toespíritu” (2 Corintios 7:1).
¿TLEN KIJTOSNEKI? Amo timokokoskej tla amo titlachichinaj. Miakej mokokoaj uan ixpoliuij porque kichichinaj tabaco.
¿TLEN UELIS TIKCHIUASKEJ? Xikijkuilo itech se calendario tlen tonal ayakmo titlachichinas. Noijki xikinmilui akinmej inmiuan timouika ayakmo titlachichinas. Ayakmo xikmokoui cigarros uan okseki tlamantli tlen kichiua xitlachichina. Amo ximouika iuan akinmej tlachichinaj.
OKSEKI PRINCIPIOS BÍBLICOS
Tla tikneki tikpias se Biblia, xikintlajtlani iTlaixpantijkauan Jehová kanin tichanti kox uelis mitsmakaskej se Biblia ika motlajtol.
MA TIKITAKAN TLEN TIKCHIUAJ
“Tla tikchijchiuas se yankuik kali, moneki tikyaualos ikuapak ika se tepamitl para amo mitstlajtlakoltiskej tla ikaj uetsis uan mikis” (DEUTERONOMIO 22:8).
AMO MA TIMOSOTLAUAKAN
“Akin kuali mokuayejyekoa amo san niman kualani pero kiteititia xoxo akin amo kimati mochias” (PROVERBIOS 14:29).
AMO SAPANOA MA TITLAKUAKAN
“Amo ximouika iuan akinmej sapanoa [...] kikuaj nakatl” (PROVERBIOS 23:20).
