AKINMEJ YOMONAMIKTIJKEJ
2: Ma mopaleuikan
¿TLEN MONEKI KICHIUASKEJ?
Ijkuak akinmej yomonamiktijkej mopaleuiaj, kichiuaj ken akinmej kiuikaj se avión porque san sekan mopaleuiaj para kuali yetoskej. Kichiuaj tlen kinpaleuis maski kipiaj ouijkayotl.
PRINCIPIO BÍBLICO: “Ayakmó ome, yej sanwel se” (Mateo 19:6).
Se tlakatl tlen itoka Christopher okijto: “Akinmej yomonamiktijkej moneki mopaleuiskej uan ijkon kuali yetoskej”.
¿TLEKA MIAK IPATI?
Tla akinmej yomonamiktijkej amo mopaleuiaj, ijkuak kipiaskej se ouijkayotl mokualaniskej uan amo uelis kiyektlaliskej tlen kinpanotok uan san moouijtiliskej.
Se siuatl tlen itoka Alexandra okijto: “Moneki timopaleuiskej iuan tonamik. Tla nonamik uan ne amo kuali timotlapouiskiaj nion timopaleuiskiaj, amitlaj ipati san sekan tichantiskiaj”.
¿TLEN UELIS TIKCHIUAS?
XIMOKUAYEJYEKO
-
¿Timokuayejyekoua san te moaxka tomin tlen tiktlani?
-
¿Moneki tiyetos moselti para kuali timomachilis?
-
¿Kuali timouika iuan ifamilia monamik?
XIMOTLAPOUI IUAN MONAMIK
-
¿Tlen kuali tikchiuaj san sekan?
-
¿Tlen techpaleuis okachi kuali ma timouikakan?
-
¿Ken uelis timopaleuiskej?
NIN UELIS TIKCHIUAS
-
Ma tikijtokan akinmej monamiktiaj yetoskia ken mauiltiaj fútbol. ¿Ken uelis titlapaleuis?
-
¿Ken uelis san sekan nantlatlaniskej?
Se tlakatl tlen itoka Ethan okijto: “Amo moneki tikitaskej akin okachi ixtlamatki. Moneki kuali ma timotlapouikan uan kuali ma timouikakan”.
PRINCIPIO BÍBLICO: “Amaka makimotemoli san tlan ye kipalewia, yej makitemo tlan ika weletis kimpalewis oksikimeh” (Filipenses 2:3, 4).
