Tetajmej uan inkoneuan moneki kuali motlapouiskej uan ijkon kimatiskej ken momachiliaj uan tlen mokuayejyekouaj.

Xamo oui timotlapouis iuan mokoneuan ijkuak telpokamej noso ichpokamej. Ijkuak okatkaj tsikitsitsintin omitsiluiayaj nochi tlen okinpanouaya. Pero axkan yomoskaltijkej uan amo mitsiluiaj tlen mokuayejyekouaj nion ken momachiliaj. Yetoskia ken nankatej itempa se aueyatl: namejuan ik nikan nankatej uan namokoneuan ik nepa katej. Pero xikilnamiktokan moneki nanmotlapouiskej iuan namokoneuan.

Ximotlapoui iuan mokone ijkuak ye majxilia. Iuan ximotlapoui maski yiyouak.

Se siuatl tlen itoka Lisa okijto: “Ualeua tikinmiluiaj tokoneuan: ‘Yisetonal san sekan otikatkaj, ¿tleka yikin tikneki titlajtos?’. Pero amo kuali ijkon tikinmiluiskej, porque tinochtin tiknekij ma techiluikan tlen kinpanoua”.

Se tlakatl tlen itoka Herbert okijto: “Nechpaktia san niman nikochis pero ualeua okachi kuali timotlapouiaj maski yitlajko youak, ik non, nikinkaki”.

PRINCIPIO BÍBLICO: “Amaka mamotekipacho tlan ye kineki kichiwas, yej noiwa mamotekipacho kenomi kinyolchikawas oksikimeh” (1 Corintios 10:24).

Amo xikchiua okse tlamantli. Se tlakatl okijto: “Ualeua ijkuak nokoneuan itlaj nechiluijtokej, ne nimokuayejyekojtok okseki tlamantli uan nokoneuan kitaj ijkuak amo kuali nikinkaktok”.

Tla ijkon mitspanoua, amo xikita televisión nion xikita mocelular ijkuak mokoneuan mitstlapouijtokej. Kuali xikkaki tlen mitsiluiaj mokoneuan, ijkon tikteititis tikneki tikinpaleuis maski san tlen kinpanos.

Se siuatl tlen itoka Maranda okijto: “Tokoneuan moneki kitaskej tiknekij tikmatiskej ken momachiliaj. Tlamo amitlaj kijtoskej uan ikaj kiluiskej ma kinpaleui”.

Se tlakatl tlen itoka Anthony okijto: “Amo xikualani maski mokone kijtos itlaj amo kuali”.

PRINCIPIO BÍBLICO: “Kuali xikkajsikamatikah” (Lucas 8:18).

Amo xikchiua okse tlamantli. Telpokamej uan ichpokamej okachi tlajtouaj ijkuak amo kinmajuaj.

Se siuatl tlen itoka Nicole okijto: “Tejuan timotlapouiaj ijtik carro ijkuak kanaj tiauij. Techpaktia porque amo timotiuij uan ijkon okachi kuali timotlapouiaj”.

Noijki uelis nanmotlapouiskej ijkuak nantlakuaj.

Se tlakatl tlen itoka Robin okijto: “Ijkuak san sekan titlakuaj, tikijtouaj nochi tlen otechpanok. Ijkon okachi kuali timouikaj uan tikilnamiktokej uelis timopaleuiskej”.

PRINCIPIO BÍBLICO: “Nonnochteh san xitlamatokah ijkuak nonkinkakiskeh oksikimeh, amo san nima xitlajtokah nion xikualanikah” (Santiago 1:19).