“Nonmosepantlasojtlah”

“Ne nomechmaka se yankuik tlanawátili: Ximosepantlasojtlakah, ijkó kemi Ne nomechtlasojtla, ijkó moneki ximosepantlasojtlakah. Tla nomejwah nonmosepantlasojtlah, nochteh n tlaltikpaktlakah nomechitaskeh nomejwah de milajka notlamachtijkawah” (JUAN 13:34, 35).

¿Tlen kijtosneki tlen okijto Jesús? Cristo okinmilui imachtijkauan omonekiaya motlasojtlaskej ken ye okintlasojtlak. ¿Ken okintlasojtlak Jesús? Amo okichi ken oksekimej, miakej otechikoitayaj uan okinkokoliayaj siuamej (Juan 4:7-10).Noijki okinpaleuiaya maski ualeua osotlajtoka (Marcos 6:30-34). Pero okiteititi okachi otechtlasojtlak ijkuak okitemakak innemilis topatka. Ye okijto: “Se kuali tlájpixki kinmokuitlawia [noso kinmaluia] iichkawah, mayamakimiktikah” (Juan 10:11).

Tlen okichijkej akinmej opejkej kichiuaj ken Cristo. Yejuan omotayaj ken iknimej (Filemón 1, 2). Ijkuak omonechikouayaj nochtin okinseliayaj maski tlatlamantli inmialtepe. Yejuan okineltokayaj “Dios amo sanwel kintlasojtla n judíojteh iwa non oksikimeh amó” porque okineltokayaj kipiaj san se inteko (Romanos 10:11, 12). Itech xiuitl 33 ijkuak otlanki iluitl pentecostés, discípulos okinemakakej “nochi tlan okipiayah, iwa okinxejxeliliayah n tomi akimeh okimpoloaya”. ¿Tleka ijkon okichijkej? Para ijkon akinmej yikin omoapolaktijkej uelis mokauaskiaj uan kikakiskiaj itlajtol toTajtsin Dios (Hechos 2:41-45). Ayamo opanouaya 200 xiuitl oixpolikej apóstoles uan Tertuliano okijto tlen okijtouayaj oksekimej: “Xikita […] ken motlasojtlaj […] uan ken motemakaj para ma kinmiktikan inpatka inmikniuan”.

¿Axkan akinmej ijkon kichiuaj? Amochtli Historia de la decadencia y ruina del Imperio romano kijtoua yiuejkika akinmej okijtouayaj kichiuaj ken Cristo, miak xiuitl “san yejuan sapanoua omotlajyouiltiayaj”. Sekimej tlakamej tlen chantij Estados Unidos otlatemojkej kox itech religiones melauak motlasojtlaj, okajsikej miakej techikoitaj uan okachi akinmej kijtouaj kichiuaj ken Cristo. Maski miakej kijtouaj poui itech se religión amo kiteititiaj motlasojtlaj. Ik non, ijkuak itech inreligión ikaj moneki kipaleuiskej amo ijkon kichiuaj porque amitlaj kinyolinia.

Itech xiuitl 2004 ompa Florida tlen kajki Estados Unidos, oejekakiauik naui uelta san itech ome metstli. Akin kinyekana akinmej tlapaleuiaj ijkuak tlaxixini, okinekiaya kimatis ken mopaleuiaj oksekimej ijkuak tlaxixini, pero okitak san iTlaixpantijkauan Jehová mopaleuiaj uan kuali moyekanaj, ik non, okinpaleui. Itech xiuitl 1997 sekimej iTlaixpantijkauan Jehová tlen chantij Europa, oyajkej República Democrática del Congo para kinmakaskiaj inmikniuan tlen kimokentiskej, tlen kikuaskej uan tlen ika mopajtiskej. Tlen okitemakakej okatka kanaj se millón de dolares.