“Yejwah ayakmó de nin tlaltíkpaktli”

“Tlaltikpaktlakah kinkokoliah, porke yejwah ayakmó de nin tlaltíkpaktli” (JUAN 17:14).

¿Tlen kijtosneki tlen okijto Jesús? Ye amo okichiuaya ken oksekimej porque amo omokajkalakiaya itech política. Ye okijto: “Notekiwajyo amo kajki itech nin tlaltíkpaktli. Porke tla ijkó yetoskia, notlakawah motekilmakaskiah para amo manechtemaktikah inmak n judíojteh. Pero Ne amo nitlanawatia nika” (Juan 18:36). Noijki okinmachti idiscípulos amo ma kichiuakan nion ma kijtokan tlen Biblia kijtoua tlajtlakoli (Mateo 20:25-27).

Tlen okichijkej akinmej opejkej kichiuaj ken Cristo. Se tlakatl tlen itoka Jonathan Dymond tlen okijkuilo tlen kichiuaj religiones, okijto tlen okichiuayaj akinmej opejkej kichiuaj ken Cristo: “Amo oyajkej guerra maski kintlajyouiltiskiaj, kintsakuaskiaj noso kinmixpoloskiaj”. Amo okinekiayaj kichiuaskej ken oksekimej maski kintlajyouiltiskiaj. Noijki amo okichijtinemiayaj ken oksekimej para amo kisokiotiskej innemilis. Ik non, okinmiluijkej: “Axa motlajtlachialtiah porke nomejwah ayakmó nonkichiwah tlan achto ononkichijtinemiah inwah, yika axa nomechpojpoah” (1 Pedro 4:4). Se tlakatl tlen itoka Will Durant okijto: “Yejuan okiueyichiuayaj toTajtsin Dios uan okichiuayaj tlen kuali, ik non, akinmej san omoyolpaktijtinemiayaj okinkokoliayaj akinmej okichiuayaj ken Cristo”.

¿Axkan akinmej ijkon kichiuaj? New Catholic Encyclopedia kijtoua: “Amo tlajtlakoli tla yaskej noso mokajkalakiskej guerra akinmej kichiuaj ken Cristo”. Reformierte Presse tlen okiski itech organización de derechos humanos African Rights kijtoua: “ITlaixpantijkauan Jehová amo omokajkalakijkej” ijkuak omomiktijkej ompa Ruanda itech xiuitl 1994, pero oksekimej religiones kema omokajkalakijkej.

Se tlakatl akin tlamachtia escuela okiyolkoko tlen opanok porque okitak “nochi religiones noso organizaciones otlapaleuijkej para ma tlakajkayauakan, ma tetlajyouiltikan noso ma temiktikan uan amitlaj okijtojkej”. Satepan ijkuak otlatemo itech Museo Conmemorativo del Holocausto tlen kajki Estados Unidos okijkuilo: “Axkan nikmati amo opanok ken onimokuayejyekouaya”. Porque okimatki maski okintlajyouiltijkej iTlaixpantijkauan Jehová amo oyajkej guerra.

¿Axkan akinmej kipiaj chipauak innemilis? Revista U.S. Catholic. Kijtoua: “Miakej telpochmej uan ichpochmej maski católicos amo kitlakamatij tlen kinmiluiaj itech inteopan, se telpochtli uan se ichpochtli san sekan motekaj maski ayamo monamiktiaj”. Noijki itech nin revista, se tlakatl akin kinyekana okijto: “Sekimej akinmej nikinyekana, ijkuak uitsej para monamiktiskej yiuejkika san sekan chantij porque yomosetilijkej”. The New Encyclopædia Britannica kijtoua: “ITlaixpantijkauan Jehová mochijchikauaj kipiaskej chipauak innemilis”.