TLAMACHTIL TLEN IKA PEUA
¿Melauak onka Diablo?
Se estatua tlen kajki Madrid, España, kineskayotia Diablo ken se ángel tlen ouetsiko
Rogelio akin omoskalti itech ueyi altepetl El Salvador kijtoa: “Ijkuak onikatka nichokotsin onitlaneltokaya itech toTajtsin Dios, pero amo itech Diablo. Ijkuak onikchiuaya itlaj tlen amo kuali, nonantsin onechiluiaya: ‘¡Mitsuikas Diablo!’, uan ne onikiluiaya: ‘¡Ma nechuika!’.”
Uan tejuatsin, ¿tlen timokuayejyekoa itech Diablo? ¿Tlen tikneltoka itech ninmej eyi tlamantli?
-
Amo onka Diablo. San kineskayotia tlen amo kuali.
-
Melauak onka Diablo, pero amo mokajkalakia iuan tlaltikpaktlakamej.
-
Diablo se espíritu tlen kipia chikaualistli uan tlen kineki kinyekanas tlaltikpaktlakamej.
Nochtin tlatlamantli mokuayejyekoaj. Pero ¿akin okachi kimati tlen melauak? ¿Ipati ma tikmatikan? Tla amo onka Diablo, nochtin akinmej itech tlaneltokaj san mokajkayauaj. Tla melauak onka Diablo, pero amo mokajkalakia iuan tlaltikpaktlakamej, akinmej momojtiaj san nenka tlajyouiaj. Uan tla onka Diablo uan kineki techyekanas uelis titlajyouiskej.
¿San kineskayotia tlen amo kuali noso melauak onka? Tla onka, ¿uelis titlajyouis? Uan tla kema, ¿ken uelis timomaluis? Ma tikitakan tlen kijtoa Biblia.
