TLAMACHTIL TLEN IKA PEUA | UELIS TIMOUIKAS IUAN TOTAJTSIN DIOS
Amo onka okse tlamantli kuali
¿Tlen uelis tikchiuas pampa kuali timouikas iuan toTajtsin Dios? Yotimomachtijkej seki tlamantli tlen moneki tikchiuaskej pampa kuali ma timouikakan iuan akin oKichijchi nochi:
-
Ma tikmatikan tlen itoka, Jehová, uan ijkon ma tiknotsakan.
-
Ma timotlapouikan iuan ika tlatlaujtilistli uan ijkuak tiktlajtoltiaj Biblia.
-
Nochipa ma tikchiuakan tlen techtlajtlanilia.
Pampa kuali timouikas iuan toTajtsin Dios xiktekitilti itoka, iuan ximotlapoui, xiktlajtolti Biblia uan xikchiua itlanekilis
¿Ijkon tikchijtok pampa timotokis itech toTajtsin Dios? ¿Tikneltoka moneki tikchiuas okseki tlamantli? Moneki timochijchikauas, pero tla tikchiua tikselis miakej tlateochiualismej.
Jennifer, akin chanti itech altepetl Estados Unidos kijtoa: “Nochi tlamantli tlen tikchiuaskej pampa kuali timouikaskej iuan toTajtsin Dios miak ipati. Pampa tla timouikaj iuan tikpiaskej tlateochiualismej: okachi titlaneltokaskej itech toTajtsin Dios, okachi kuali tikixmatiskej uan okachi tiktlasojtlaskej. Amo onka okse tlamantli kuali”.
¿Mitspaktiskia kuali timouikas iuan toTajtsin Dios? Tlaixpantijkauan Jehová ika miak yolpakilistli mitspaleuiskej. Yejuan mitsmachtiskej ika Biblia uan amo tiktlaxtlauas. Noijki uelis timonechikos itech Kalmej kanin monechikoaj iTlaixpantijkauan Jehová. Timonechikos iuan akinmej mouikaj uan kipatioitaj mouikaskej iuan toTajtsin. * Yolik peuas timomachilis ken salmista akin okijto: “Tla ne nimotokis [i]nauak [toTajtsin Dios] non tlen okachi kuali” (Salmo 73:28).
^ párr. 9 Tla tikneki timomachtis Biblia noso tikmatis kanin timonechikoaj ik kanin tichanti, ximotlapoui iuan akin omitsmakak nin revista noso xikalaki itech www.pr418.com/ncx uan xikalaki kanin okachi mitspaktis kanin kijtoa “XITECHTEMO”, tlen kajki tlakxitlan kanin peua.
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
TIMONECHIKOUAJ
¿Ken tikchiuaj tonechikoluan?
Xitlachiati kanin timonechikoaj uan xikita tlen tikchiuaj.
