Xikkixti:

• Partitura

1. 1. Kualtsin mota yitlanestok

   uan totomej mokakij.

   Axkan uelis nikinmitas

   nochtin tlen Jehová okinyoliti.

   Chikauak nitlakuika

   ika nochi noyolo.

   Kualtsin nin xochitlali

   uan niyolpaki miak.

2. 2. Onka xochitl uan ajuiak

   uan san kanin onka atl.

   Nechpaktia nitlatokas

   uan nikpixkas miak tleyoli.

   Ejekatl yichipauak;

   onka miak tlakuali.

   Ne noaxka nochi nin,

   amitlaj nechpoloua.

   (PUENTE)

   Yomochi tlen okijto Dios,

   nikita ken nochtin pakij.

   Yopoliuik tlajtlakoli,

   oksepa ne nitelpochtli.

3. 3. Nimotlalos ken chokotsin

   uan chikauak niyetos.

   Amo keman nimokokos,

   nikmachilis yolseuilistli.

   Dios niktlasojkamatilis,

   ye melauak yolkuali.

   Amo san niktemiki,

   melauak tlen panotok.

   (PUENTE)

   Nikita ikaj ompa uits,

   ye notakotsin, ¡yomejki!

   ToTajtsin Dios ueyititok,

   ye akin okiyoliti.

4. 4. Axkan nechteochijtok

   porque nechtlasojtla ye.

   Amo san tlakajkayaua;

   ye chikauak uan teiknomati.

   Amo keman nitlajyouis,

   axkan san niyolpaki

   uan nochipa nikijtos:

   “Nochi tlen okijto, okichi”.