Tlaltikpak amo keman pojpoliuis, tlajtlamis nion kipatlaskej. Biblia kijtoua toTajtsin Dios okichijchi tlaltikpak para nochipa ompa ma tichantikan.

•   “Yolmelauakej yetoskej tlaltikpak uan nochipa itech chantiskej” (Salmo 37:29).

•   “Ye okitlali Tlaltikpak kanin kajki; uan amo keman ikaj kolinis, sepa amo keman” (Salmo 104:5).

•   “Sekimej yauij uan sekimej uitsej pero tlaltikpak nochipa yetos” (Eclesiastés 1:4).

•   “Akin oKichijchi iluikak [...] akin okichijchi tlaltikpak uan okitlali ken moneki, amo san okichijchi, okichijchi para itech chantiskiaj” (Isaías 45:18).

 ToTajtsin Dios amo kinkauilis tlakamej ma kipojpolokan tlaltikpak ika guerras noso ika okseki tlamantli. Biblia kijtoua toTajtsin Dios kinpojpolos akinmej kijtlakouaj tlaltikpak (Apocalipsis 11:18). ¿Ken kichiuas?

 ToTajtsin Dios san ye tlanauatis ika iTekiuajkayo uan kinpojpolos nochtin tekiuajkej, porque yejuan amo kimaluiaj tlaltikpak (Daniel 2:​44; Mateo 6:9, 10). Jesucristo yetos ken tekiua itech iTekiuajkayo toTajtsin Dios (Isaías 9:6, 7). Ijkuak Jesús okatka nikan tlaltikpak okichi milagros uan okitlakaualti ejekatl uan atl (Marcos 4:35-41). Jesús ken tekiua itech iTekiuajkayo toTajtsin Dios tlanauatis ipan nochi tlaltikpak. Noijki kiyektlalis nochi tlen onka itech tlaltikpak uan oksepa yetos ken xochitlali Edén (Mateo 19:28; Lucas 23:43).

 Amo. Sekimej ijkon mokuayejyekouaj porque amo kuali kajsikamatij tlen kijtoua 2 Pedro 3:7, ompa kijtoua: “Ilwikak iwa n tlaltíkpaktli, Dios kinkajtok para kimpojpolos ika tletl”. Ma tikitakan ome tlamantli tlen techpaleuis ma tikajsikamatikan nin texto:

1.   Ijkuak itech Biblia tikajsij tlajtoli iluikak, tlaltikpak uan tlitl amo san se tlamantli kijtosneki. Itech Génesis 11:1 kijtoua: “Nochtin itech tlaltikpak otlajtouaya san se tlajtoli”. Tlajtoli “tlaltikpak” kineskayotia tlakamej.

2.   Kanin peua capítulo 3 kijtoua tlen kijtosneki “iluikak”, “tlaltikpak” uan “tlitl” tlen ijkuilitok itech 2 Pedro 3:7. Versículos 5 uan 6 kijtoua ijkuak omochi apachiuilistli. Itech non tonal opoliuik nochi tlen onka itech tlali pero amo opoliuik tlaltikpak. Itech apachiuilistli san oixpolikej akinmej amo yolkualmej (Génesis 6:11). Noijki okipojpolo “iluikak”, nin kijtosneki tekiuajkej tlen ompa otlanauatiayaj. Ik non, tlaltikpak amo opoliuik san oixpolikej akinmej amo yolkualmej. Noé iuan ifamilia omomakixtijkej, yejuan omomiaktilijkej ipan nochi tlaltikpak (Génesis 8:15-18).

 Ijkon ken apachiuilistli tlen opanok ijkuak okatka Noé, “tlitl” tlen kijtoua 2 Pedro 3:7 san kinmixpolos akinmej amo yolkualmej uan amo tlaltikpak. ToTajtsin Dios kijtoua yetos “se yankuik ilwikak iwa se yankuik tlali, iwa ompa yetos milajkachiwálistli” (2 Pedro 3:13). Non “yankuik tlali” noso tlakamej yolkualmej kipiaskej “se yankuik ilwikak” nin kijtosneki se yankuik tekiua, ye iTekiuajkayo toTajtsin Dios. Ijkuak tlanauatis iTekiuajkayo toTajtsin Dios nochi tlaltikpak yetos se xochitlali (Apocalipsis 21:1-4).