Kinchijchiuaj Biblias itech ueyi altepetl Japón
Pampa iTlaixpantijkauan Jehová kintlajtlaniliaj sapanoa miakej Biblias tlen tlakuauak ipasta uan tlen kuajkualtsitsintin, okitlalijkej se yankuik encuadernadora itech altepetl Ebina (Japón).
Pero pampa itech tonal 11, metstli marzo, xiuitl 2011 otlalolinki uan opanok se tsunami, ik non, amo okatka energía eléctrica, sapanoa oui kichiuaskia nin tekitl.
Maski opanok ijkon, itech metstli septiembre opejkej tekitij. Uan san kanaj eyi metstli okichijchijkej achto Traducción del Nuevo Mundo ika tlajtoli chino ika nin yankuik encuardenadora.
Nin encuadernadora kipia kanaj 400 metros ueyak, uan san kitlaliaj pampa iselti ma kichiua tekitl. Achto kinpepechoa pliegos uan kinchiua amochmej. Satepan kintlalilia pastas, kinnepanoa uan kuali kintilinia. Saiktlami kintlaliaj ijtik cajas, kintsakuaj uan kintlaliaj ipan tlapechtli.
Nochtin mopaleuiaj
Pampa kuali nochi kisaskia, okichijkej seki tlamantli. Achto, itech Europa nin tepostli okintlalijkej ijtik uejueyij cajas uan kuali okintsakej, satepan okinuikakej ika 34 contenedores itech barco itech altepetl Japón.
Majtlaktli tokniuan tlen tekitij itech Kali kanin tekitij iTlaixpantijkauan Jehová itech ueyi altepetl Estados Unidos, otlapaleuitoj itech nin tekitl. Sekimej omokajkej kanaj chikuase metstli noso okachi, uan okinmachtijkej akinmej tekitij itech altepetl Japón ken kitekitiltiskej uan kiyektlaliskej nin tepostli.
Nin yankuik tepostli okintlajtlachialti oksekimej tlen noijki kinchijchiuaj amatlajkuilolmej itech non altepetl. Itech tonal 19, metstli marzo, xiuitl 2012, kanaj cien tlaltikpaktlakamej tlen noijki kinchijchiuaj amatlajkuilolmej otlachiatoj itech nin kali. Nochtin omotlajtlachialtijkej.
Ijkuak mokuepaskiaj, okinmakakej sejse amochtli Traducción del Nuevo Mundo tlen okinchijchijkej ika nin tepostli.
Itech kalmej kanin tekitij iTlaixpantijkauan itech ueyi altepetl Japón, Estados Unidos uan Brasil kinchijchiuaj Biblias tlen tlakuauak ipasta pampa iTlaixpantijkauan Jehová.
“Okse tekitl tlen nikpias okachi oui nechchiuilis”
Nochtin iTlaixpantijkauan Jehová uan oksekimej tlen otlapaleuijkej itech nin tekitl, sapanoa oyolpakej san sekan tekitiskej. Se tlakatl tlen amo iTlaixpantijka Jehová, okijto: “Namejuan yetoskia ken nokalchanejkauan”.
Itech saiktlami tonal, okse tlakatl tlen amo iTlaixpantijka Jehová okijto: “¡Okse tekitl tlen nikpias okachi oui nechchiuilis, pampa itech Watchtower kualtsin tekitij!”
Xamo noijki mitspaktis
TIKINCHIJCHIUAJ AMATLAJKUILOLMEJ
Kitemakaj tlen kintlajtlaniliaj
Xikita ken mochijchiuaj Biblias itech ueyi altepetl Japón pampa kintemaskej itech nochi Tlaltikpak.