TiiTlaixpantijkauan Jehová tiktlakamatij Biblia ijkuak kijtoua amo matitlananankilikan ijkuak techteluiaj noso ijkuak techpinauiaj. Biblia kijtoua san timopinatiskej tla tiknanankiliskej akin techpinauia (Proverbios 9:7, 8; 26:4). Amitlaj tikijtouaj ijkuak itlaj techtoktiaj porque okachi tiknekij tikyolpaktiskej toTajtsin Dios (Salmo 119:69).

 Noijki Biblia kijtoua onka “keman amitlaj se kijtos uan keman se tlajtos” (Eclesiastés 3:7). Ikinon amo timotsatsajtsiliaj inmiuan oksekimej uan timotlapouiaj inmiuan akinmej kinekij kimatiskej tlen melauak. Ijkon tikchiuaj tlen otlamachti Jesús uan ken okichijkej tokniuan itech achto siglo.

•   Jesús amitlaj okijto ijkuak okiteluijkej ixpan Pilato (Mateo 27:11-14; 1 Pedro 2:21-23). Noijki amitlaj okijto ijkuak okijtojkej otlauanaya uan sapanoua otlakuaya. Ye okiteititi tlen kijtoua iTlajtol toTajtsin Dios. Ompa kijtoua: “Ixtlamatilis Dios moixmati ika tlan kichiwah ipilwah akimeh kitlakitah” (Mateo 11:19). Pero ye okatka yolchikauak uan otlajto ijkuak omonekiaya (Mateo 15:​1-3; Marcos 3:22-30).

   Jesús okinmachti imachtijkauan amo mamoyolkokokan ijkuak ikaj kinteluiskia. Ye okinmilui: “Mapakikah ijkuak fiero kintenewah, kintotojtokaskeh [noso kintlajyouiltiskej] iwa kinwikaltiskeh por nechtlakitah” (Mateo 5:11, 12). Jesús noijki okijto ijkuak kinteluiskiaj, non kinpaleuiskia okachi matetlapouikan. Ijkuak ijkon panoskia Jesús kichiuaskia nin tlamantli: “Ne nomechinmakas n tlájtolteh non nomejwah nonkintenkixtiskeh, iwa nion se de akin nomechkokolia kixikos nion nomechtlajtolkopas” (Lucas 21:12-15).

•   Apóstol Pablo okinmilui akinmej kichiuaj ken Cristo amitlaj ipati tla mokualaniskiaj inmiuan oksekimej (Tito 3:9; Romanos 16:17, 18).

•   Apóstol Pedro okijto akinmej kichiuaj ken Cristo moneki yetoskej yolchikauakej ijkuak kintlajtlaniskej tlen kineltokaj (1 Pedro 3:15). Ye okiteititi tlen tikchiuaj okachi ipati uan amo tlen tikijtouaj. Pedro okijkuilo: “Porke Dios kineki xikchiwakah tlan kuali, para nonkinkamatsakuaskeh akimeh amitla kimatih iwa kuamímikteh” (1 Pedro 2:12-15).