Amo, tiiTlaixpantijkauan Jehová amo tipouij itech se secta. Timochijchikauaj tikchiuaskej ken Jesús uan tiktlakamatiskej nochi tlen okijto.

 Tlatlamantli kajsikamatij tlajtoli secta. Matikitakan ome tlamantli tlen kineltokaj uan noijki tleka iTlaixpantijkauan Jehová amo se secta.

•   Sekimej kijtouaj se secta peua ijkuak moxelouaj itech se religión uan amo kichiuaj ken oksekimej. TiiTlaixpantijkauan Jehová amo otikchijkej se yankuik religión. Timochijchikauaj tikchiuaskej ken akinmej okichiuayaj ken Cristo itech achto siglo uan tikneltokaskej tlen okineltokayaj uan non kuali moijtoua itech Biblia (2 Timoteo 3:16, 17). Noijki tikneltokaj san Biblia uelis technauatis ken tikueyichiuaskej toTajtsin Dios.

•   Sekimej kineltokaj itech se secta katej tlen kichiuaj tlen amo kuali uan kitokaj akin kinyekana. TiiTlaixpantijkauan Jehová amo tiktokaj se tlakatl noso se siuatl, porque tikilnamiktokej tlen Jesús okinmilui imachtijkauan: “Sanwel Cristo nomechyakana” (Mateo 23:10).

 Toreligión amo san tejuan techpaleuia noijki kinpaleuia oksekimej uan amo kichiua tlen amo kuali. Se neskayotl, nochi tlen tiktematiltiaj itech Biblia yokinpaleui miakej ayakmo matlauanakan nion ayakmo makintekitiltikan drogas. Noijki itech nochi tlaltikpak tikinpaleuiaj makitlajtoltikan se amatl uan matlajkuilokan uan miakej yikitlajtoltiaj se amatl uan yitlajkuilouaj. Noijki titlapaleuiaj ijkuak tlaxixini. Timochijchikauaj tikinpaleuiskej nochtin ijkon ken okijto Jesús (Mateo 5:13-16).