Tikitaj miakej akinmej yikipiaj se religión kinpaktia motlapouiskej itech Biblia. Uan tiktlakaitaj tlen kineltokaj, ikinon amikaj tikchiualtiaj makikaki tlen titetlapouiaj.

 Ijkuak titetlapouiaj itech religión, timochijchikauaj tikchiuaskej ika yolyamanilistli ken kijtoua Biblia, uan noijki tikteititiaj tikintlakaitaj oksekimej (1 Pedro 3:15). Tikmatij sekimej amo kinekiskej techkakiskej (Mateo 10:14). Pero moneki tikintlapouiskej uan ijkon tikmatiskej kox techkakiskej noso amo. Uan noijki miak tlamantli kinpanoua nochtin.

 Se neskayotl, se tonal uelis ikaj amo kinekis techkakis, uelis kipia miak tekitl, pero uelis okse tonal majxilis uan techkakis. Noijki tlen kinpanoua uelis kichiuas makitemokan ikaj makintlapoui itech Biblia. Ikinon tikintemojtinemij.