Xitlachiati Betel
Timitsyoleuaj xitlaixmatiti kanin titekitij uan tikinchijchiuaj amatlajkuilolmej. Itech ninmej kalmej Betel uelis san moselti tias uan tikitas tlen kipia.
Oksepa yiuelis titlachiati Betel: Tonal 1 de junio 2023, itech miakej altepemej oksepa opejki tikinyoleuaj matlachiatij itech kalmej Betel. Tla tikneki okachi tikmatis, xikinnotsa tokniuan tlen tekitij itech kali Betel kanin tikneki titlaixmatiti. Timitstlatlaujtiaj amo xitlachiati tla tejuatsin timokokoua ika COVID-19, tla timokuajeyjekouaj tikpia COVID-19 noso otikatka iuan ikaj tlen mokokouaj ika COVID-19.
Sudáfrica
Tlen moneki tikmatis ijkuak titlachiati Betel
Exposiciones
Kanin ajsij. Akinmej tlachiatiuij uelis kitaskej ika seki videos tlen tekitl kichiuaj tokniuan ompa Betel uan ken tlapaleuiaj para makiueyichiuakan toTajtsin Dios.
Kanin kajki imprenta 2. Ika seki videos uelis kajsikamatiskej tleka miak ipati makintlajtolkopakan uan makinchijchiuakan amatlajkuilolmej ika intlajtol. Desde tlakpak uelis kitaskej ken tikinchijchiuaj amatlajkuilolmej. Noijki uelis kitaskej se exposición tlen kiteititia itoka toTajtsin Dios itech Biblias ika tlajtoli tlen yejuan kixmatij.
Kanin kajki imprenta 3. Desde tlakpak uelis kitaskej amatlajkuilolmej tlen tikintitlanij. Se mapa kiteititia kanin tikintitlanij amatlajkuilolmej. Ika seki videos uelis kitaskej ken tikintitlanij amatlajkuilolmej, ken kinchijchiuaj kalmej kanin timonechikouaj, ken kinchijchiuaj amatlajkuilolmej ika audio uan ken kinchijchiuaj videos.
Tlen moneki tikmatis. Kajki se autobús tlen uelis mitsuikas kanin katej imprentas. Noijki onka kanin uelis nanmoseuiskej uan ompa nankikuaskej tlen nankiuikaj.
Kanin uan teléfono