Tonal 6 de julio 2018, Tribunal de Distrito tlen kajki ompa Barda Azerbaiyán, okijtojkej Emil Mehdiyev kaltsaktoskia se xiuitl uan amo kanaj yaskia. Non telpochtli kipia 18 xiuitl uan ijkon okichiuilijkej porque amo okinek mochiuas soldado. Maski amo kanaj okitsakuatoj, tla kineki oksekan chantiti, moneki achto kinmiluis tekiuajkej uan moneki mokauas ompa Azerbaiyán.

Diciembre 2017 tekiuajkej tlen katej ompa Barda, okinotskej telpochtli Emil Mehdiyev. Ye amo okinek yetos soldado porque okilnamiktoka non amo kuali, oksepa okinotskej uan oyajki. Oksepa okinmilui tleka amo okinekiaya yetos soldado uan okinmilui ma kimakakan okse tekitl pero okiluijkej amo uelis ijkon kichiuaskiaj uan oksekimej tekiuajkej tlen katej ompa Barda, kijtoskiaj tlen kipanoskia.

Miak uelta omotlapoui iuan tekiuajkej uan yejuan okiluijkej tlen omonekiaya kichiuas, okijtojkej maski amo kitsakuaskiaj okijtojkej amo kintlakamatij intlanauatiluan. Tekiuajkej tlen katej ompa Azerbaiyán ayamo kijtouaj tlen kichiuaskej akinmej amo kinekij yetoskej soldados maski tekiuajkej yiuejkika okijtojkej ijkon kichiuaskiaj.

Maski Emil Mehdiyev ijkon kipanotok, yokiteititi nochipa kitlakamatis Jehová (1 Pedro 2:19).