Itech 24 de octubre 2018 sapanoua oejekakiauik itech islas Marianas del Norte, ompa Filipinas. Okachi oejekak uan okiauik itech islas tlen okachi uejueyij tlen intoka Saipán uan Tinián. Sapanoua oejekaya, oxitinkej kalmej uan miakej ayakmo okipiayaj luz.

Tokniuan tlen tlayekanaj ompa Betel tlen kajki itech Micronesia uan kinyekana tokniuan ompa islas Marianas del Norte, okijtojkej nion se tokni oixpoliuik nion omokojko. Inkaluan 15 tokniuan sepa oxixinkej uan inkaluan 40 tokniuan itlaj okinpanok. Amo okachi itlaj okinpanok inkal misioneros tlen kajki ompa Saipán uan kali kanin monechikouaj uan noijki kali tlen kajki itech Tinián.

Tokniuan tlen tlapaleuiaj ijkuak kanaj tlaxixini, kitaj ken kinpaleuiskej tokniuan tlen ompa chantij. Tokniuan tlen ompa chantij kinpaleuijtokej oksekimej tokniuan tlen oxixinki inkalijtik. Se tokni tlen tlapaleuia ompa Betel, okinyolchikauato tokniuan.

Tiktlatlaujtiaj Jehová ma kinpaleui nonmej tokniuan tlen tlajyouijtokej. Tikneltokaj Jehová kinpaleuis nochtin akinmej kiueyichiuaj uan kitlatlaujtiaj (Salmo 145:18, 19).