Otlatenki ompa Nigeria, ijkon otlapanok ik centro uan ik sur itech non altepetl. Ken sapanoua okiauik itech Nigeria, otlaatenki itech sur. Ken omoskaltijkej aueyatl Benue uan Níger, sapanoua miakej oksekan omokalotitoj. Kanaj 100 oixpolikej pero tokniuan okijtojkej nion se tokni oixpoliuik uan nion se omokojko.

Kanaj 2,000 oksekan omokalotitoj uan 1,000 noijki moneki ma kinpaleuikan. Miakej okinkalotijkej iTlaixpantijkauan Jehová kanin amo tlaatemi.

Tokniuan tlen tlapaleuiaj ompa Betel okintlalijkej sekimej tokniuan para ma kinpaleuikan akinmej tlajyouijtokej uan noijki para ma kinyolchikauakan. Ome tokniuan tlen tlapaleuiaj Betel, tlayekanki itech circuito uan oksekimej tokniuan okinyolchikauatoj iTlaixpantijkauan Jehová.

Maski tokniuan tlen chantij ompa Nigeria sapanoua otlajyouijkej, ijkuak ijkon okipanok Jehová okinpaleui (Salmo 37:39).