ISAHLUKO 6
Khetha Kuhle Ezokuzilibazisa
“Loba yikuphi elikwenzayo, kwenzeleni udumo lukaNkulunkulu.”—1 KWABASEKHORINTE 10:31.
1, 2. Kungani kumele sikhethe ezokuzilibazisa ngonanzelelo?
AKE SITHI ufuna ukudla isithelo kodwa ubusunanzelela ukuthi kulendawo lapho esibole khona. Uzakwenzani? Uzasidla sinjalo yini kumbe uzasilahla? Uzasika lapho esibole khona ubususidla lapho okungabolanga khona yini?
2 Ezokuzilibazisa singazifanisa lesithelo leso. Ezinye zinhle ikanti ezinye zibolile ngoba zigcwele ukuziphatha okubi kwezemacansini, udlakela
lesidimoni. Yikho nxa ukhetha ezokuzilibazisa zibuze ukuthi: ‘Ngizilibazisa ngaloba yini engiyifunayo yini? Ngicabanga ukuthi zonke ezokuzilibazisa zimbi yini? Ngikhetha ezokuzilibazisa ezinhle futhi ngixwaye ezimbi yini?’3. Kuyini okumele sicabange ngakho nxa sikhetha ezokuzilibazisa?
3 Sonke siyakudinga ukuthi sizilibazise lokuthi sike sibethwe ngumoya. Kodwa kumele sizibuze ukuthi lokho esikhetha ukuzilibazisa ngakho akusoze kuphambanise ubuhlobo bethu loJehova yini.
“LOBA YIKUPHI ELIKWENZAYO, KWENZELENI UDUMO LUKANKULUNKULU”
4. Yisiphi isimiso seBhayibhili esingasinceda ukuthi sikhethe kuhle ezokuzilibazisa?
4 Nxa sizinikela kuJehova siyabe simthembisa ukuthi sizamkhonza okwempilo yethu yonke. (Bala umTshumayeli 5:4.) Siyabe sithembisa ukuthi ‘loba yikuphi esikwenzayo sizakwenzela udumo lukaNkulunkulu.’ (1 KwabaseKhorinte 10:31) Lokhu kutsho ukuthi siyabe sesizimisele ukuthokozisa uJehova kungelani lokuthi singaphi futhi senzani.
5. UJehova ufuna ukukhonza kwethu kube njani?
5 Konke esikwenzayo ekuphileni kumele kutshengise ukuthi siyizikhonzi zikaJehova. UPhawuli wathi: “Linikele imizimba yenu njengemihlatshelo ephilayo, engcwele lemthokozisayo uNkulunkulu.” (KwabaseRoma 12:1) UJesu wathi: “Thanda iNkosi uNkulunkulu wakho ngenhliziyo yakho yonke langomphefumulo wakho wonke langengqondo yakho yonke langamandla akho wonke.” (UMakho 12:30) Sifuna ukwenza konke okusemandleni ethu ukuthi sithokozise uJehova. UJehova wayefuna ama-Israyeli anikele ngenyamazana ephilileyo. Wayengawamukeli umnikelo wawo nxa wawulesici. (ULevi 22:18-20) Lathi uJehova angacina engasakwamukeli ukukhonza kwethu. Njani?
6, 7. Yikuzilibazisa okunjani okungaphambanisa ubuhlobo bethu loJehova?
6 UJehova uthi: “Yibani ngcwele ngoba mina ngingcwele.” (1 UPhetro 1:14-16; 2 UPhetro 3:11) UJehova uzakwamukela ukukhonza kwethu kuphela nxa kungcwele kumbe kuhlanzekile. (UDutheronomi 15:21) Kodwa ngeke akwamukele nxa sisenza izinto azizondayo ezigoqela ukuziphatha kubi kwezemacansini, udlakela lesidimoni. (KwabaseRoma 6:12-14; 8:13) Okunye okungaphambanisa ubuhlobo bethu loNkulunkulu yikubukela izinto ezinjalo.
7 Kuyini okungasinceda ukuthi sikhethe kuhle ezokuzilibazisa? Yiziphi izimiso ezingasinceda sazi ezokuzilibazisa ezinhle lezimbi?
ZONDANI OKUBI
8, 9. Yikuphi ukuzilibazisa okumele sikuxwaye futhi kungani kumele senze njalo?
8 Kunengi esingazilibazisa ngakho lamuhla. Okunye kuhlanzekile ikanti okunye kungcolile. Ake sixoxe ngokuthi yikuphi ukuzilibazisa okumele sikuxwaye.
ImiSebenzi 15:28, 29; 1 KwabaseKhorinte 6:9, 10) Nxa sixwaya ezokuzilibazisa ezinjalo siyabe sitshengisa uJehova ukuthi siyakuzonda okubi.—IHubo 34:14; KwabaseRoma 12:9.
9 Amanye amafilimu, amawebhusayithi, imidlalo yamakhompiyutha lezingoma kugcwele izinto ezimbi ezigoqela ukuziphatha okubi kwezemacansini, udlakela lesidimoni. Izinto ezinjalo zingakhanya zingayisiyo ngozi, kodwa amaKhristu ayakwazi ukuthi ziyingozi yikho ezixwaya. (10. Kuyini okungenzakala nxa singakhetha kubi ezokuzilibazisa?
10 Abantu abanengi bacabanga ukuthi akukubi ukuzilibazisa ngezinto ezilodlakela, ukuziphatha kubi kwezemacansini lesidimoni. Bathi: ‘Kuyini okubi ngezinto lezi? Phela angisoze ngizenze.’ Nxa sicabanga njalo siyabe siziqila. IBhayibhili lithi: “Inhliziyo iyakhohlisa okudlula izinto zonke njalo imbi kakhulu.” (UJeremiya 17:9) Ngeke sithi siyazizonda izinto ezimbi nxa sizibukela kumbe sizilalela. Nxa silokhu sibukela izinto ezinjalo singacina sibona angani akulanto embi ngazo. Ngokuhamba kwesikhathi umzwangedwa wethu ungatsha futhi kucine kungasathi thiki nxa sizenza.—IHubo 119:70; 1 KuThimothi 4:1, 2.
11. UGalathiya 6:7 usinceda njani ukuthi sikhethe kuhle ezokuzilibazisa?
11 ILizwi likaNkulunkulu lithi: “Umuntu uvuna lokho akuhlanyelayo.” (KwabaseGalathiya 6:7) Iqiniso yikuthi nxa sibukela kumbe silalela izinto ezimbi sizacina sizenza. Ngokwesibonelo abanye bacina beziphatha kubi kwezemacansini ngenxa yokubukela izinto ezimbi. Kodwa uJehova uyasisiza ukuthi sikhethe kuhle ezokuzilibazisa.
SEBENZISA IZIMISO ZEBHAYIBHILI NXA USENZA IZINQUMO
12. Kuyini okungasinceda ukuthi sikhethe kuhle ezokuzilibazisa?
12 Ezinye ezokuzilibazisa zingcolile emehlweni kaJehova futhi kumele sizixwaye. Kodwa kuthiwani nxa singelaqiniso lazo? UJehova kasitsheli okumele sikubukele, sikulalele kumbe sikubale. Ufuna sisebenzise imizwangedwa yethu eqeqetshwe liBhayibhili. (Bala uGalathiya 6:5.) UJehova usinike izimiso zeBhayibhili ezisinceda ukuthi sazi umbono wakhe ngezindaba ezitshiyeneyo. Izimiso lezi ziyasinceda ukuthi siqeqetshe imizwangedwa yethu. Ziyasinceda lokuthi ‘siqedisise ukuthi intando kaNkulunkulu iyini’ futhi senze okumthokozisayo.—Kwabase-Efesu 5:17.
Izimiso zeBhayibhili ziyasinceda ukuthi sikhethe kuhle ezokuzilibazisa
13. Kuyini okwenza sikhethe ezokuzilibazisa ezitshiyeneyo njalo kuyini okungasinceda ukuthi sikhethe kuhle?
13 Sizilibazisa ngezinto ezitshiyeneyo ngenxa yokuthi izinto esizithandayo azifanani. Lanxa kunjalo, sonke kumele silandele izimiso zeBhayibhili nxa sikhetha esizazilibazisa ngakho. (KwabaseFiliphi 1:9) Ukwenza njalo kuzasinceda ukuthi sizilibazise ngezinto ezithokozisa uNkulunkulu.—IHubo 119:11, 129; 1 UPhetro 2:16.
14. (a) Kuyini okunye okumele sikunanzelele ngokuzilibazisa? (b) Yisiphi isixwayiso uPhawuli asinika amaKhristu?
14 Okunye okumele sikunanzelele yikuthi sithatha isikhathi esingakanani sizilibazisa. Nxa uMathewu 6:33.) Kodwa nxa singananzeleli, ezokuzilibazisa zingasidlela isikhathi esinengi kakhulu. UPhawuli waxwayisa amaKhristu wathi: “Qaphelani kakhulu ukuba liphila njani—kungabi njengezithutha kodwa njengabahlakaniphileyo, liwasebenzise ngokupheleleyo amathuba wonke.” (Kwabase-Efesu 5:15, 16) Yikho kumele sinanzelele ukuthi ezokuzilibazisa azisithatheli isikhathi esinengi.—KwabaseFiliphi 1:10, NW.
sithatha isikhathi esinengi sizilibazisa siyabe sitshengisa ukuthi yikho okuqakathekileyo kithi. Akumelanga sikhohlwe ukuthi okuqakatheke kakhulu yinkonzo yethu. (Bala15. Kuyini okumele sikukhumbule nxa singelaqiniso ngokuzilibazisa okuthile?
IZaga 4:25-27) Yikho-ke kumele sixwaye ezokuzilibazisa esikwaziyo ukuthi zimbi lalezo esingabe sicabangela ukuthi zingaphambanisa ubuhlobo bethu loJehova.
15 Kusegcekeni ukuthi akumelanga sizilibazise ngezinto uJehova azizondayo. Kodwa kuthiwani nxa singelaqiniso ngokuzilibazisa okuthile? Kumele sikhumbule ukuthi ukuzilibazisa ngezinto ezisolisayo kuyingozi ngoba kungasithela emanyaleni. ILizwi likaNkulunkulu lithi: “Ugcine unyawo lwakho lunganyatheli okubi.” (WOBA WAZI UMBONO KAJEHOVA
16. (a) Yiziphi ezinye izinto uJehova azizondayo? (b) Sitshengisa njani ukuthi siyakuzonda lokho uJehova akuzondayo?
16 Umhubi wathi: “Akuthi bonke abamthandayo, uJehova, bazonde okubi.” (IHubo 97:10) IBhayibhili liyasitshela indlela uJehova acabanga ngayo. Zibuze ukuthi lokho okufundayo kungakunceda njani ukuthi ube lombono kaJehova. Ngokwesibonelo, iBhayibhili liyasitshela ukuthi uJehova uyaluzonda “ulimi oluqamba amanga, izandla ezichitha igazi elingelacala, inhliziyo egaya izibozi, izinyawo eziphangisa ukuya ebubini.” (IZaga 6:16-19) Okunye okumele sikuxwaye ‘yibufebe, ukukhonza izithombe lobuthakathi, umona, intukuthelo, umhawu, ukudakwa, ukuzitika ngamanyala lokunye okunjalo.’ (KwabaseGalathiya 5:19-21) Ubona angani izimiso lezi zingakunceda njani ukuthi ukhethe kuhle ezokuzilibazisa? Sifuna ukuhlala silalela uJehova kungelani lokuthi sisebantwini kumbe sisodwa. (2 KwabaseKhorinte 3:18) Iqiniso yikuthi lokho esikhetha ukukwenza sisodwa yikho okutshengisa ukuthi singabantu abanjani.—IHubo 11:4; 16:8.
17. Yiphi imibuzo okumele sizibuze yona nxa sikhetha esizazilibazisa ngakho?
17 Nxa ukhetha ezokuzilibazisa zibuze: ‘Kuzakwenza ubuhlobo bami loJehova bube njani? Kuzakwenza umzwangedwa wami usale unjani? Ake sixoxe ngezinye izimiso ezingasinceda nxa sikhetha ezokuzilibazisa.
18, 19. (a) Kuyini uPhawuli akutshela amaKhristu? (b) Yiziphi izimiso ezingasinceda ukuthi sikhethe kuhle ezokuzilibazisa?
18 Lokho esikhetha ukuzilibazisa ngakho yikho esisala sikucabanga. UPhawuli wathi: “Konke okuliqiniso, konke okulesithunzi, konke okulungileyo, konke okuhlambulukileyo, konke okuhle, konke okubukekayo—uma ulutho luluhle kakhulu loba lubongeka—cabangani ngezinto ezinje.” (KwabaseFiliphi 4:8) Nxa singahlala sicabanga izinto ezinjalo lathi singatsho amazwi anjengala: “Sengathi amazwi omlomo wami leminakano yenhliziyo yami kungathokozisa emehlweni akho, O Jehova.”—IHubo 19:14.
19 Zibuze: ‘Kuyini engikufaka engqondweni yami? Ngemva kokubukela ifilimu ngisala ngilemicabango emihle yini? Ngisala ngilomzwangedwa omuhle yini? (Kwabase-Efesu 5:5; 1 KuThimothi 1:5, 19) Ngisala ngikhululekile yini ukuthandaza kuJehova? Ebengikubukele kungenze ngacabanga ngezemacansini yini? (UMathewu 12:33; UMakho 7:20-23) Ezokuzilibazisa engizikhethayo zenza ‘ngilingisele umhlaba lo’ yini?’ (KwabaseRoma 12:2) Indlela esiphendula ngayo imibuzo le izasinceda sazi okumele sikwenze ukuze ubuhlobo bethu loJehova buhlale buqinile. Sifuna umthandazo wethu ube njengowomhubi owathi: “Phendula amehlo ami asuke ezintweni ezingesulutho.” *—IHubo 119:37.
ESIKUKHETHAYO KUNGABAPHATHA NJANI ABANYE?
20, 21. Nxa sikhetha ezokuzilibazisa, kungani kumele sicabange ngokuthi kuzabaphatha njani abanye?
20 Esinye isimiso esiqakathekileyo yilesi: “‘Izinto zonke ziyavunyelwa’—kodwa akusizinto zonke ezakhayo. Akulamuntu okumele azidingele okuhle, kodwa okuhle kwabanye.” (1 KwabaseKhorinte 10:23, 24) Ukuthi silenkululeko yokwenza ulutho oluthile akutsho ukuthi sokumele silwenze. Kumele sicabangisise ngokuthi esikukhethayo kuzabaphatha njani esikhonza labo.
21 Imizwangedwa ayifanani. Ngokwesibonelo umzwangedwa wakho ungakuvumela ukuthi ubukele uhlelo oluthile kodwa uzakwenzani nxa umzwangedwa womunye ungamvumeli ukuthi 1 KwabaseKhorinte 8:12) Asifuni ukukhuba abafowethu labodadewethu.—KwabaseRoma 14:1; 15:1; 1 KwabaseKhorinte 10:32.
alubukele? Lanxa ulelungelo lokulubukela ungakhetha ukungenzi njalo ngenxa yokuthi awufuni ukwenza “isono kubazalwane” loba ukwenza “isono kuKhristu.” (22. Singatshengisa njani ukuthi siyazihlonipha izinqumo ezenziwa ngamanye amaKhristu?
22 Kodwa uzakwenzani nxa umzwangedwa wakho ungakuvumeli ukuthi ubukele, ubale kumbe wenze okuthile? Indlela othanda futhi ohlonipha ngayo abafowenu izakwenza ukuthi ungababambi ngamandla ukuthi bakhethe njengawe. Umtshayeli wemota uyakwazi ukuthi kulabanye abagijima kakhulu ukudlula yena labangagijimi kangako. Kodwa kungelani lesiqubu sabo uyabe ekwazi ukuthi bayakwazi ukutshayela. Kuyafanana lasendabeni yokuzilibazisa. Imizwangedwa yabanye ingabavumela ukuthi bazilibazise ngezinto ezithile kodwa lokho kuyabe kungatsho ukuthi abazilandeli izimiso zeBhayibhili.—UmTshumayeli 7:16; KwabaseFiliphi 4:5.
23. Kuyini okuzasinceda ukuthi sikhethe kuhle ezokuzilibazisa?
23 Kuyini okuzasinceda ukuthi sikhethe kuhle ezokuzilibazisa? Yikusebenzisa kuhle imizwangedwa yethu eqeqetshiweyo lokuba lendaba lokuthi esikukhethayo kubaphatha njani abanye. Kuzasithokozisa ukwazi ukuthi konke esikwenzayo kuletha ‘udumo kuNkulunkulu.’
^ indima 19 Singathola ezinye izimiso ezingasinceda ukuthi sikhethe kuhle ezokuzilibazisa kuZaga 3:31; 13:20; Kwabase-Efesu 5:3, 4; KwabaseKholose 3:5, 8, 20.