AMA-ASHA Ama-asha akhona ukuze alisize. Sicela liwalalele nxa eliqondisa endabeni yokupaka izimota, ukungena lokuphuma enkundleni, ukugcina izindawo zokuhlala, lokunye nje.

UBHABHATHIZO Izitulo zalaba abazabhabhathizwa zizabe ziphambi kwesiteji ngaphandle nxa kuphiwe eminye imilayezo. Abazabhabhathizwa kumele babe sebehlezi ezitulweni lezi kungakaqalisi inkulumo yobhabhathizo ezakwenziwa ngoMgqibelo ekuseni. Bonke abazabhabhathizwa kumele babuye lamathawulo kanye lezigqoko zabo ezifaneleyo abazabhabhathizwa bezigqokile.

IMINIKELO Kusetshenziswe imali enengi ukuze kubhadalelwe izitulo, i-sound, kanye lokunye okwenza siwukholise umhlangano futhi okusinceda ukuthi sisondele kuJehova. Iminikelo yenu yokuzithandela inceda ukuthi kubhadalelwe izindleko lezi futhi isekela lomsebenzi wokutshumayela owenziwa emhlabeni wonke. Kulamabhokisi eminikelo afakwe ezindaweni ezehlukuneyo zenkundla ukuze lenelise ukunikela. Unganikela usebenzisa ezempucuko ku-jw.org. Iminikelo yonke iyaqakathekiswa kakhulu. IQula Elibusayo liyabonga ngokunikela kwenu ukuze lisekele umsebenzi woMbuso.

USIZO LOKUQALA Sicela likhumbule ukuthi usizo lolu lwenzelwe izimo ezingalindelekanga kuphela.

OKULAHLEKILEYO Zonke izinto ezilahlekileyo kumele zihanjiswe kuhlangothi lolu. Nxa ulahle okuthile, yana kuhlangothi lolu ukuze uyekudinga. Nxa ungabona umntwana olahlekileyo mhambise kuhlangothi lolu. Kodwa ukuze kungabi lothwala nzima sicela linakekele kuhle abantwabenu, libe leqiniso ukuthi lilabo sonke isikhathi.

IZINDAWO ZOKUHLALA Sicela libe lendaba labanye. Khumbulani ukuthi indawo lingayigcinela labo elihamba labo emoteni, elihlala labo, kumbe elifunda labo iBhayibhili. Sicela lingafaki lutho ezitulweni elingasoze lizisebenzise.

UHLANGOTHI LWAMAVOLONTIYA Nxa ufisa ukuncedisa emisebenzini ethile, sicela utshele abakuhlangothi lolu.

Umhlangano Wabafuna Ukuya Esikolo Sabavangeli BoMbuso

Amaphayona aleminyaka engu-23 kusiya kwengu-65 alesifiso sokwengezelela inkonzo yawo ayamenywa ukuthi azongena umhlangano lo ngeSonto emini. Lizakwaziswa ukuthi umhlangano lo uzakwenzelwa ngaphi njalo sikhathi bani.