IBHOKISI 19B
Amanzi Agelezayo Acina Esengumfula!
UHezekheli wabona amanzi ayegeleza ephuma endlini kaJehova. Amanzi la ayelokhu esiba manengi okokuthi kusiyafika amakhilomitha amabili kwasekungumfula otshonayo! Emaceleni omfula lo wabona izihlahla ezinkulu ezazilezithelo lamahlamvu okwelapha. Kwakusitshoni konke lokhu?
Umfula Oletha Izibusiso
KUDALA AmaJuda ayethunjiwe athi esebuyele elizweni lawo, athola izibusiso ezinengi ngesikhathi evuselela ukukhonza kweqiniso ethempelini
ESIKHATHINI SETHU Ngo-1919 ukukhonza kweqiniso kwavuselelwa. Lokhu kwenza ukuthi izikhonzi zikaJehova ezithembekileyo zithole izibusiso ezinengi ezaqinisa ukholo lwazo
ESIKHATHINI ESIZAYO Ngemva kwe-Amagedoni uJehova uzanika abantu bakhe izibusiso ezinengi ezizakwenza babe lempilakahle futhi bahlale beqinile ekukhonzeni
Amanzi Anika Ukuphila
KUDALA UJehova wayebabusisa abantu bakhe. Lanxa babeqhubeka besiba banengi, bonke babeyithola imfundo eyayibanceda bamkhonze ngendlela ayifunayo
ESIKHATHINI SETHU Epharadayisi esikulo khathesi abantu baqhubeka besanda, kodwa bonke bayazithola izibusiso ezivela kuJehova ezenza bahlale belokholo oluqinileyo ngoba lazo ziqhubeka zisiba zinengi
ESIKHATHINI ESIZAYO Ngemva kwe-Amagedoni kuzavuswa amamiliyoni abantu; bonke abantu laba kanye lalabo abayabe besinde e-Amagedoni bazazithola izibusiso zikaJehova ngoba ziyabe zizinengi kakhulu
Izihlahla Ezidliwayo Futhi Ezelaphayo
KUDALA Abantu bakaJehova bathi sebebuyele elizweni labo uJehova wabanika ukudla okwabaqinisa ukholo; waphinda wabelapha ngokubanceda ukuthi batshiye imikhuba yenkolo yamanga enjengokukhonza izithombe
ESIKHATHINI SETHU Konke esikufundiswa yinhlanganiso kaJehova kuyasinceda ukuthi sihlale sithembekile kuNkulunkulu, singenzi izono ngabomo futhi singafanani labantu bomhlaba lo
ESIKHATHINI ESIZAYO UKhristu labangu-144 000 azabusa labo bazakhipha isono ebantwini abathembekileyo futhi babancedise ukuthi babe lempilakahle njalo bahlale beqine saka!
