IBHOKISI 21A
“Indawo Ezakuba Ngumnikelo”
Asimlandeleni uHezekheli sihlole indawo eyayizakuba ngekaJehova. Indawo le yayilengxenye ezinhlanu. Yiziphi futhi zazingezani?
A. “Indawo Ezakuba Ngumnikelo”
Yiyo eyayizakuba yisigodlo sombuso, lapho iziphathamandla ezazizasebenzela khona.
B. “Indawo Yonke Enikelweyo”
Indawo le yayizakuba ngeyabaphristi lamaLevi njalo yikho lapho okwakuzakuba ledolobho khona. Bonke abantu bezizwana ezingu-12 zako-Israyeli babefika endaweni le bezokhonza uJehova baphinde bancedise leziphathamandla.
C. “Indawo Yomkhokheli”
“Le yiyo ezakuba yindawo yomkhokheli wako-Israyeli.”
D. “Indawo Engcwele”
Ingxenye engaphezulu yendawo le ‘yayingeyamaLevi.’ ‘Yayingcwele kuJehova.’ Ingxenye ephakathi laphakathi yayizakuba ‘yindawo engcwele eyayizanikwa abaphristi.’ Yayizakuba ‘ngeyezindlu zabo leyendawo engcwele yethempeli.’
E. “Indawo Eseleyo”
“Izakuba ngeyabantu bonke bako-Israyeli” njalo “izasetshenziswa ngabantu abasedolobheni. Yikho lapho abazakwakha khona izindlu zabo bathole lamadlelo.”