INGXENYE 2
‘Indawo Yami Engcwele Liyingcolisile’—Ukukhonza Kweqiniso Kuyangcoliswa
ESIZAKUFUNDA: Abantu bakoJuda labeJerusalema bangcolisa ukukhonza kweqiniso futhi baziphatha kubi
UJehova wayebathanda abako-Israyeli futhi ebanakekela ngoba ‘babeyinotho yakhe eligugu.’ (Eks. 19:5; amabala angaphansi) Kodwa bona baqalisa ukukhonza onkulunkulu bamanga baze bafaka lezithombe zabo ethempelini elibizwa ngebizo lakhe! Bamzwisa ubuhlungu uJehova bangcolisa lebizo lakhe. Kuyini okwabangela ukuthi abako-Israyeli benze konke lokho? Isiphrofetho sikaHezekheli esimayelana lokubhujiswa kweJerusalema sisifundisani? Kanti njalo kuyini esingakufunda kulokho okwakhulunywa nguHezekheli ngezizwe ezazingomakhelwane bako-Israyeli?
ENGXENYENI LE
ISAHLUKO 5
‘Khangela Izinto Ezimbi Futhi Ezinyanyisayo Abazenzayo’
UHezekheli wabona izinto ezine ezamethusayo ezazitshengisa ukuthi isizwe sako-Israyeli sasesikutshiyile ukukhonza kweqiniso.
ISAHLUKO 6
“Isiphelo Sesifikile Kini”
Okwenziwa nguHezekheli kwatshengisa indlela uJehova ayezabajezisa ngayo abantu beJerusalema.
ISAHLUKO 7
Izizwe ‘Zizakwazi Ukuthi Mina NginguJehova’
UJehova wazijezisa izizwe ezazingcolisa ibizo lakhe, zihlukuluza abantu bakhe futhi zibayenga ukuthi benze okubi. Kuyini esikufunda endleleni ama-Israyeli ayedlelana ngayo lezizwe lezi?