Ukuze ulondoloze ubungane lomuntu kumele ukhulume laye. Uyamlalela laye akulalele. Ukhuluma izinto ezinhle ngomngane wakho kwabanye. Kunjalo lokuba ngumngane kaNkulunkulu. Khangela ukuthi iBhayibhili lithini ngalokhu:

Khuluma loJehova zikhathi zonke. “Libambelele ekukhulekeni.”​—KwabaseRoma 12:12.

Bala iLizwi likaNkulunkulu, iBhayibhili. “IMibhalo yonke yaphefumulelwa nguNkulunkulu njalo ilosizo ekufundiseni, lokukhuza, lokuqondisa.”​—2 KuThimothi 3:16.

Fundisa abanye ngoNkulunkulu. “Ngakho hambani lenze abafundi ezizweni, . . . njalo libafundise ukulalela konke engililaye ngakho.”​—UMathewu 28:​19, 20.

 Sondelana labangane bakaNkulunkulu. “Ohamba lezihlakaniphi uyahlakanipha.”​—Izaga 13:20.

Ngena imihlangano eHholo loMbuso. “Kasicabangeni ukuthi singakhuthazana kanjani ethandweni lasezenzweni ezinhle.”​—KumaHebheru 10:​24, 25.

Ncedisa ekusekeleni umsebenzi woMbuso. “Umuntu ngamunye kanike lokho amise enhliziyweni yakhe ukukunikela, kungabi luhonono loba ngokubanjwa ngamandla, ngoba uNkulunkulu uthanda onikela ngokuthokoza.”​—2 KwabaseKhorinte 9:7.